"15 రోజుల్లో ఛార్జిషీట్​ వేస్తాం"

పారిశ్రామికవేత్త జయరాం హత్యకేసులో నిందితుల డొంక కదులుతోంది. దర్యాప్తు జరిపేకొద్దీ.. కొత్త పేర్లు బయటకు వస్తున్నాయి. తాజాగా ఈ కేసులో సహాయ నటుడు సూర్య, అతని స్నేహితుడు కిశోర్​, స్థిరాస్తి వ్యాపారి అంజిరెడ్డిని అరెస్ట్​ చేసినట్లు పోలీసులు తెలిపారు. 15 రోజుల్లో ఛార్జ్​ షీట్ దాఖలు చేయనున్నారు.

పారిశ్రామికవేత్త జయరాం హత్య కేసుకు సంబంధించి పోలీసుల ప్రమేయంపై ఆధారాలు సేకరిస్తున్నామని డీసీపీ శ్రీనివాస్​ తెలిపారు. రాకేశ్​రెడ్డికి రాజకీయ నాయకులతో సంబంధాలు ఉన్నా... హత్యకేసులో నాయకుల ప్రమేయం ఉన్నట్లు ఆధారాలు లేవన్నారు. ఈ కేసులో సహాయ నటుడు సూర్య, అతని మిత్రుడు కిశోర్​, స్థిరాస్తి వ్యాపారి అంజిరెడ్డిని అరెస్ట్​ చేసినట్లు వెల్లడించారు.

వెలుగులోకి వస్తున్న అక్రమాలు

డిసెంబర్​ 2017లో ప్రగతి రిసార్ట్స్​ ఎండీ కుటుంబాన్ని భయపెట్ కొంత భూమిని రాయించుకున్నట్లుడీసీపీ శ్రీనివాస్ తెలిపారు. పెద్దవాళ్లతో సంబంధాలు ఉన్నాయనే భయంతో వారు రాకేశ్ ​రెడ్డిపై ఫిర్యాదు చేయలేదన్నారు. ఆ భూమిని భూదేవి అనే పేరు మీద రిజిస్టర్​ చేయించినట్లు పేర్కొన్నారు.దానిలో కొంత భాగాన్ని అంజిరెడ్డికి విక్రయించాలనుకున్నాడని అన్నారు. ఆ పత్రాలు అంజిరెడ్డి వద్దే ఉన్నాయని డీసీపీ తెలిపారు.