Renu Desai Post on Akira Meet With Narendra Modi : ఆంధ్ర ప్రదేశ్ ఎన్నికల్లో పవన్ కల్యాణ్ అఖండ విజయం సాధించినప్పటి నుంచి ఆయన కుమారుడు అకీరా తండ్రితోనే ఉంటున్నారు. అకీరాను రాజకీయ ప్రముఖులకు పరిచయం చేస్తున్నారు పవన్ కల్యాణ్. తాజాగా ప్రధాని నరేంద్ర మోదీని వీరు కలిసిన విషయం తెలిసిందే. దీనిపై రేణూ దేశాయ్ తన ఇన్స్టాగ్రామ్లో ఓ ఎమోషనల్ పోస్ట్ పెట్టారు.
‘నాకు మొదటి నుంచి బీజేపీ అంటే అభిమానం. మోదీ పక్కన నా కుమారుడిని చూస్తుంటే ఎంతో ఆనందంగా, ఎమోషనల్‌గా ఉంది. దానిని మాటల్లో వర్ణించలేను. మోదీ గారిని కలిశాక అకీరా నాకు ఫోన్‌ చేసి తన అనుభూతిని పంచుకున్నాడు. ఆయన చాలా గొప్ప వ్యక్తి అని. తన చుట్టూ ఓ పాజిటివ్ వైబ్‌ ఉందని చెప్పాడు’ అని రాసుకొచ్చారు.
నాన్నకు ప్రేమతో - పవన్ కల్యాణ్ జర్నీపై అకీరా వీడియో - AKIRA NANDAN SPECIAL VIDEO FOR PAWAN KALYAN
తాజాగా దిల్లీలో జరిగిన ఎన్జీయే కూటమి నేతల సమావేశానికి పవన్ తన కుటుంబంలో సహా హాజరయ్యారు. ఈ సమావేశానికి తన కుమారుడు అకీరాను సైతం అక్కడికి తీసుకెళ్లారు. కూటమి నేతల సమావేశం ముగిశాక మోదీకి తన కుటుంబాన్ని పరిచయం చేసారు. ఈ సందర్భంగా అకీరా మోదీకి నమస్కరిస్తుండగా అతడి భుజంపై చేయి వేసి మోదీ మాట్లాడుతున్న ఫొటోలు సోషల్ మీడియాలో వైరల్ అవుతున్నాయి. వీటినే రేణూ దేశాయ్ తన ఇన్స్టాలో పంచుకుని భావోద్వేగానికి గురయ్యారు.
Akira Edited Video On Pawan Kalyan Dialogues : మరోవైపు ఇటీవలే అకీరా తండ్రి పవన్ కల్యాణ్పై ఓ వీడియోను ఎడిట్ చేశారు. ఎన్నికల ముందే ఆ వీడియో చేసినా దాన్ని రేణూ దేశాయ్ తన ఇన్స్టాలో పంచుకున్నారు. అంతే అది తెగ వైరల్ అయిపోయింది. 'కొన్ని వారాల క్రితం వాళ్ల నాన్న కోసం అకీరా నందన్‌ చేసిన ప్రత్యేక వీడియో ఇది. పవన్‌పై తనకున్న ప్రేమకు ఇది నిదర్శనం. తన తండ్రి విజయంపై అకీరా ఎంతో ఆనందంగా, గర్వంగా ఉన్నాడు’ అని రేణూ దేశాయ్ దీనికి క్యాప్షన్‌ జోడించారు.
అకీర విషయంలో పవర్ స్టార్ ఫ్యాన్స్కు మరో గుడ్ న్యూస్! - Akira Nandan Tollywood Entry
పవన్ కల్యాణ్ విజయంపై స్పందించిన రేణూ దేశాయ్ - Pawankalyan Renudesai
