చిన్నపాటి వర్షానికే మునిగిపోతున్న కడప ఆర్టీసీ గ్యారేజ్‌ - వరద నీటిలోనే మరమ్మతులు - Kadapa RTC Garage Flooded

Kadapa RTC Garage Flooded Due to Rains: కొద్దిపాటి వర్షానికే కడప ఆర్టీసీ బస్టాండు, గ్యారేజీ జలమయం అవుతున్నాయి. దీంతో ప్రయాణికులు, కార్మికులు అనేక ఇబ్బందులు పడుతున్నారు. గ్యారేజీలోని నీరు బయటికి వెళ్లే దారి లేకపోవడంతో నిలిచిన వరద నీటిలోనే పనులు చేస్తున్నారు. మూడేళ్ల క్రితం కొత్త గ్యారేజీ పనులు ప్రారంభమైనా ఇప్పటికీ పూర్తి కాలేదు.

Kadapa RTC Garage Flooded Due to Rains: ఓ మోస్తరు వర్షం కురిస్తే చాలు కడప ఆర్టీసీ బస్టాండు, గ్యారేజీ జలమయం అవుతున్నాయి. ప్రయాణికులు, కార్మికులు తీవ్ర ఇబ్బందులు పడాల్సివస్తోంది. ఉమ్మడి కడప జిల్లాలోని ఆర్టీసీ బస్సులన్నీ కడప గ్యారేజీలో మరమ్మతులు చేసుకోవాల్సి ఉంది. గ్యారేజీలోని వర్షపు నీరు బయటికి వెళ్లే దారి లేకపోవడంతో మోకాళ్లలోతు వరకు నిలిచిన మురికినీటిలోనే మెకానిక్‌లు మరమ్మతులు చేస్తున్నారు. మూడేళ్ల క్రితం కొత్త గ్యారేజీ పనులు ప్రారంభమైనా ఇప్పటికీ పూర్తి కాలేదు.

ప్రయాణికులు బస్టాండ్​లోకి వెళ్లాలంటే చాలా ఇబ్బందులు పడుతున్నారు. వర్షపు నీరు బయటకు వెళ్లేందుకు సరైన డ్రైనేజీ వ్యవస్థ లేకపోవడంతో రోజులు తరబడి అక్కడే నిల్వ ఉంటున్నాయి. ప్రయాణికులకు వేరే గత్యంతరం లేక ఆ నీటిలోనే నడుచుకుంటూ బస్టాండ్​లోకి వెళ్లాల్సి వస్తోంది. గ్యారేజ్​లోకి మోకాళ్ల లోతు వరకు వర్షం నీరు చేరడంతో కార్మికులు అవస్థలు పడుతున్నారు. మెకానిక్​లు ఆ నీటిలోనే నిలబడి గంటల తరబడి పనులు చేయడం వల్ల కాళ్లు పగులుతున్నాయని వాపోతున్నారు.