'చంద్రబాబుతో అమిత్​షా ఏమన్నారంటే!'- 'నెటిజన్ల స్పందన ఇదీ' - Hello AP Bye Bye YCP

Hello AP Bye Bye YCP : "నివేదికల ప్రకారం కూటమిదే అధికారం.. జగన్ ప్రభుత్వంపై ప్రజలు ఆగ్రహంతో ఉన్నారు.. ఊహించిన దానికంటే ఎక్కువ సీట్లొస్తాయి.." చంద్రబాబుతో భేటీలో అమిత్​ షా చేసిన వ్యాఖ్యలివి. మరో వైపు ప్రముఖ సామాజిక మాధ్యమం ఎక్స్(ట్విటర్)లో #HelloAP_ByeByeYCP అనే హ్యాష్ ట్యాగ్ ​​ట్రెండింగ్​లో ఉంది.

Hello AP Bye Bye YCP : అమరావతి, పోలవరం" ఆంధ్రప్రదేశ్ ప్రజల కలల సౌధాలు. రాష్ట్ర ప్రజలకు అవి రెండు కళ్లు. ఆ రెండింటికీ భరోసా ఇస్తోంది ఎన్​డీఏ కూటమి. అటు కేంద్రంలో ఇటు రాష్ట్రంలో అధికారంలోకి వచ్చిన వెంటనే ఆ రెండింటినీ పూర్తి చేస్తామని కూటమి నేతలు ప్రకటించారు. ఏపీ నుంచి డబుల్ ఇంజిన్ సర్కార్ మొదలవుతోందని కేంద్ర మంత్రులు రాజ్​నాథ్​ సింగ్, ఊహించిన దానికంటే ఎక్కువ సీట్లొస్తాయని అమిత్ షా పేర్కొన్నారు. జగన్ ప్రభుత్వంపై ప్రజలు ఆగ్రహంతో ఉన్నట్లు నివేదికలున్నాయని అమిత్ షా వెల్లడించారు. తాజా సర్వేలు, కేంద్ర ప్రభుత్వం అగ్రనేతల వ్యాఖ్యల నేపథ్యంలో ఏపీలో అధికార మార్పిడి ఖాయమని ప్రజలు, నెటిజన్లు చర్చించుకుంటున్నారు.

ఓ వైపు టీడీపీ, బీజేపీ, జనసేన(ఎన్డీఏ), మరోవైపు వైఎస్సార్సీపీ, ఇంకో వైపు కాంగ్రెస్​, వామపక్షాలు (ఇండియా) ఏపీ ఎన్నికల్లో ముక్కోణపు పోటీ ఉన్నా.. ప్రధాన పోటీ ఎన్​డీఏ కూటమి, వైఎస్సార్సీపీ మధ్య ఉంటుందని సర్వేలు చెప్తున్నాయి. ఈ నేపథ్యంలో ఇప్పటికే రాష్ట్రంలో బెట్టింగ్​ జోరుగా సాగుతోంది. మరో వైపు ఎన్నికల ప్రచారం ఊపందుకుంది. బీజేపీ తరఫున ఆ పార్టీ అగ్రనేతలు అమిత్ షా, రాజ్​నాథ్ సింగ్ ఏపీలో పర్యటిస్తున్నారు. ధర్మవరంలో అమిత్ షా, కడప, కర్నూలులో రాజ్​నాథ్​ సింగ్​ ప్రచారం, ర్యాలీలో పాల్గొంటున్నారు. ఇక ప్రధాని నరేంద్ర మోదీ సైతం అతి త్వరలో రాష్ట్రంలో జరిగే బహిరంగ సభల్లో పాల్గొననున్నారు.

టీడీపీ, జనసేన అగ్రనేతలు చంద్రబాబు, పవన్​ కళ్యాణ్ ప్రజాగళం సభలకు జనం పోటెత్తుతున్నారు. సభలు ఎక్కడ జరిగినా ప్రభంజనంలా కదలి వస్తున్నారు. వైఎస్సార్సీపీ హయాంలో జరిగిన ఇసుక, మట్టి, లిక్కర్​ మాఫియాలను ఎండగడూతూ ఐదేళ్లలో రాష్ట్రం వెనుకబాటుకు కారణమైన జగన్​ను ప్రజాక్షేత్రంలో నిలదీస్తుంటే చప్పట్లు, ఈలలతో హోరెత్తిస్తున్నారు. మూడు పార్టీల శ్రేణులు ఉత్సాహంతో ప్రచారంలో దూసుకుపోతున్నాయి. మరో వైపు యువనేత నారా లోకేశ్​ యువగళం సభలతో యువతతో మమేకం అవుతున్నారు. ఊహించని ప్రజా స్పందన మధ్య సభలు కొనసాగుతున్నాయి.

వైఎస్సార్సీపీ అభ్యర్థులకు భూ యాజమాన్య హక్కు చట్టం భయం పట్టుకుంది. దేశంలో ఎక్కడా లేని చట్టాన్ని ఇక్కడ బలంగా రుద్దాలన్న జగన్​ ప్రభుత్వ నిర్ణయంపై ప్రజల్లో ఆగ్రహావేశాలు పెల్లుబికుతున్నాయి. ప్రభుత్వంపై వ్యతిరేకత ఇప్పట్లో చల్లారేలా కనిపించడం లేదు. దీంతో అధికార పార్టీ నేతలు తీవ్ర ఆందోళనకు గురవుతున్నారు. ఓటమి తప్పదనే భయం వారిని వెంటాడుతోందని తెలుస్తోంది.