Joe Biden apologises to Zelenskiy : అమెరికా అధ్యక్షుడు జో బైడెన్ మొదటిసారిగా ఉక్రెయిన్కు బహిరంగ క్షమాపణలు చెప్పారు. అమెరికా నుంచి ఉక్రెయిన్కు సైనిక సాయం అందించడంలో నెలకొన్న జాప్యానికి చింతిస్తున్నట్లు తెలిపారు. డీ-డే 80వ వార్షికోత్సవ వేడుకలకు పారిస్ వెళ్లిన బైడెన్, ఉక్రెయిన్కు క్షమాపణలు చెప్పారు. ఉక్రెయిన్కు సాయం చేయడానికి అమెరికా కట్టుబడి ఉందని హామీ ఇచ్చారు. నాజీ అణచివేతకు వ్యతిరేకంగా జరిగిన చారిత్రక పోరాటాన్ని, ప్రస్తుత రష్యా దురాక్రమణతో పోల్చారు బైడెన్. 61 బిలియన్ డాలర్ల సహాయ ప్యాకేజీ కాంగ్రెస్లో ఆరు నెలల పాటు ఆగిపోయినందుకు తాను నిరాశ చెందినట్లు ఆవేదన వ్యక్తం చేశారు. ఈ సమయంలో రష్యా దాడులు కొనసాగగా, ఉక్రెయిన్ సాయం కోసం ఎదురు చూసింది.
అమెరికాకు జెలెన్స్కీ కృతజ్ఞతలు
ఉక్రెయిన్కు మద్దతు ఇవ్వడంలో అమెరికా ప్రాముఖ్యాన్ని నొక్కిచెప్పారు. సైనిక సాయాన్ని ఆమోదించినందుకు అమెరికా చట్టసభ సభ్యులకు కృతజ్ఞతలు తెలిపారు. ఈ సాయం ఇటీవల రష్యా దాడులను ఎదుర్కోవడంలో ఉక్రెయిన్కు ఉపయోగపడిందని తెలిపారు. ఉక్రెయిన్ ప్రస్తుత పోరాటాన్ని, రెండో ప్రపంచ యుద్ధంలో ఐరోపాను రక్షించడానికి అమెరికా చేసిన ప్రయత్నాలతో పోల్చారు.