விழுப்புரம் மாவட்டம் கள்ளக்குறிச்சியை அடுத்த சின்னசேலம் விஜயபுரத்தைச் சேர்ந்தவர்கள் செந்தில்-சங்கரி தம்பதியினர். கூலி வேலை செய்து வரும் இவர்களின் இரண்டாவது மகன் யுவராஜ்(8), சின்னசேலம் ஊராட்சி ஒன்றிய தொடக்கப்பள்ளியில் மூன்றாம் வகுப்பு படித்து வந்தார்.
நேற்று பள்ளி விடுமுறை என்பதால் நண்பர்களுடன் அசைப நகரில் உள்ள குட்டையில் யுவராஜ் குளிக்கசென்றபோது, எதிர்பாராத விதமாக நீரில் முழ்கி உயிரிழந்தார்.
தகவல் அறிந்து சம்பவ இடத்திற்கு விரைந்து வந்த சின்னசேலம் காவல்துறையினரும், தீயணைப்புத் துறையினரும் யுவராஜின் உடலை மீட்டு கள்ளக்குறிச்சி அரசு மருத்துவமனைக்கு உடற்கூறு ஆய்வுக்காக அனுப்பிவைத்தனர். மேலும் மாணவன் உயிரிழந்த சம்பவம் குறித்து வழக்குப்பதிவு செய்து விசாரணை மேற்கொண்டுவருகின்றனர். சிறுவன் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.
இதையும் படிங்க: அணு ஆயுதப் பேச்சுவார்த்தை தோல்வியில் முடிந்தது: வடகொரியா
