வேலூர் கோட்டை அகழியில் ஆண் சடலம் மீட்பு

புகழ்பெற்ற சுற்றுலா தளமான வேலூர் கோட்டை அகழியில் ஆண் சடலம் மீட்கப்பட்டுள்ளது.

வேலூரின் முக்கிய சுற்றுலா தளமான கோட்டை அகழியில் அடையாளம் தெரியாத ஆண் சடலம் மிதப்பதாக நேற்று (ஜனவரி 14) வேலூர் வடக்கு காவல் துறையினருக்கு தகவல் கிடைத்தது. அதனடிப்படையில் சம்பவ இடத்திற்கு விரைந்த போலீசார் கோட்டை அகழி நீரில் மூழ்கிக் கிடந்த சுமார் 50 வயது மதிக்கத்தக்க அடையாளம் தெரியாத ஆண் சடலத்தை மீட்டனர்.

அதன்பின் பரிசோதனைக்காக அடுக்கம்பாறையில் உள்ள வேலூர் அரசு மருத்துவக் கல்லூரி மருத்துவமனைக்கு அனுப்பி வைத்தனர். உயிரிழந்தவர் யார்? என்பது குறித்தும், கொலையா? தற்கொலையா? என்பது குறித்தும் வேலூர் வடக்கு காவல் துறையினர் வழக்கு பதிவு செய்து விசாரணை மேற்கொண்டு வருகின்றனர்.