திமுக துணை பொதுச் செயலாளரும் நீலகிரி மக்களவைத் தொகுதி உறுப்பினருமான ஆ.ராசா, சென்னை ஆயிரம் விளக்கு தொகுதியில் திமுக சார்பில் பரப்புரையில் ஈடுபட்டார். அப்போது, முதலமைச்சர் எடப்பாடி பழனிசாமியை அவதூறாகப் பேசியது விமர்சனத்துக்குள்ளானது.
இது குறித்து, அதிமுக சார்பில் தமிழ்நாடு தலைமைத் தேர்தல் அலுவலர் சத்யபிரத சாகுவிடம் புகார் மனு அளிக்கப்பட்டது.
ஆ.ராசாவை கண்டித்து ஆர்ப்பாட்டம்
இந்நிலையில், வேலூர் மாவட்டத்தில் ஆயிரத்திற்கும் மேற்பட்ட அதிமுகவினர் ஆ.ராசாவை கண்டித்து இன்று (மார்ச் 28) கண்டன ஆர்ப்பாட்டத்தில் ஈடுபட்டனர். மேலும் முதலமைச்சர் எடப்பாடி பழனிசாமியிடம் ஆ.ராசா மன்னிப்பு கேட்க வேண்டும் என்றும் வலியுறுத்தினர்.
இதையும் படிங்க: மயிலாடுதுறையில் ஆ.ராசா உருவப்படம் எரிப்பு
