திருப்பத்தூர்: மாவட்டம் ஆம்பூர் தமிழ்நாடு வீட்டு வசதி குடியிருப்பு வாரிய 5 வது வீதியில் வசித்து வருபவர் சோனா டார்ஜிலிங். இவர் தனியார் மருத்துவமனையில் செவிலியராக பணிபுரிந்து வருகிறார். இவர் ஆம்பூர் ஓ ஆர் தியேட்டர் அருகில் உள்ள பேக்கரி கடையில் நேற்று இரவு 4 ரொட்டி உள்ளிட்ட தின்பண்டங்கள் வாங்கி வந்துள்ளார்.
இதையடுத்து பள்ளி முடித்து வந்த அவரது பிள்ளைகளுக்கு டீ மற்றும் ரொட்டி சாப்பிட கொடுத்த போது ரொட்டியில் கரப்பான் பூச்சி இருந்ததால் அதிர்ச்சி அடைந்தார்.
பேக்கரி கடையில் வாங்கிய திண்பண்டத்தில் கரப்பான் பூச்சி-வாடிக்கையாளர் அதிர்ச்சி!
ஆம்பூர் நகரப் பகுதியில் உள்ள கடைகளில் தரமற்ற மற்றும் காலாவதியான பொருட்கள் விற்பனை செய்யும் கடைகள் மீது ஆம்பூர் நகராட்சி உணவு பாதுகாப்பு அலுவலர் நடவடிக்கை எடுக்க வேண்டும் என பொதுமக்கள் வலியுறுத்தியுள்ளனர்.
இதையும் படிங்க: சுமார் ரூ.8 கோடி மோசடி - தனியார் நிதி நிறுவன இயக்குனர் கைது
