ஸ்டெர்லைட் ஆலை குறித்து வதந்திகளை பரப்ப வேண்டாம் - அமைச்சர் கடம்பூர் ராஜூ - rumor about sterlite

தூத்துக்குடி: ஸ்டெர்லைட் ஆலை குறித்து ஊடகங்கள் தேவையற்ற வதந்திகளைப் பரப்ப வேண்டாம் என்று அமைச்சர் கடம்பூர் ராஜூ தெரிவித்துள்ளார்.

kadampur raju sterlite rumor

Published : Sep 7, 2019, 10:18 PM IST

தூத்துக்குடி மாவட்டம் கோவில்பட்டியில் அமைச்சர் கடம்பூர் ராஜூ செய்தியாளர்களிடம் பேசுகையில், ”தமிழ்நாட்டில் 25 ஆண்டுகளாக ஸ்டெர்லைட் ஆலை செயல்பட்டுவந்தது. மாவட்டத்தின் வளர்ச்சிக்காக ஒரு குறிப்பிட்ட நிதியை வைப்பு தொகையாக செலுத்த வேண்டும் என்ற நிபந்தனையில்தான் ஆலை தொடங்கப்பட்டது.

ஸ்டெர்லைட் நிறுவனத்தின் சார்பில் செலுத்தப்பட்ட தொகையில் இருந்துதான் ஆலையை சுற்றியுள்ள கிராமப் பகுதிகளில் வளர்ச்சி பணிகள் நடைபெற்றுவந்தன. ஆலையை மூடிய பின்பு அவர்களிடமிருந்து எந்த ஒரு நிதியும் பெறவில்லை. தற்போது அவர்கள் செலுத்திய வைப்புத்தொகையில் வரும் வட்டியிலிருந்துதான் அந்தப் பகுதிக்குட்பட்ட பகுதிகளில் வளர்ச்சி பணிகள் நடைபெறுகின்றன.

ஆலை தொடர்பாக ஊடகங்கள் தேவையற்ற வதந்திகளை பரப்ப வேண்டாம். ஆலை தொடர்பாக தமிழ்நாடு அரசு வெளியிட்ட தெளிவான அரசாணை செல்லும் என்று உச்சநீதிமன்றம் தீர்ப்பு வழங்கியுள்ளது. தேவையற்ற பீதியை கிளப்பியதன் காரணமாகதான் தூத்துகுடியில் 16 பேர் உயிரிழந்த சம்பவம் நடந்தது" என்றார்.

Intro:நாங்குநேரி, விக்கிரவாண்டி இடைத்தேர்தலில் அதிமுக மகத்தான வெற்றி பெறும்: அமைச்சர் கடம்பூர் செ.ராஜுBody:
தூத்துக்குடி

நடைபெறவுள்ள நாங்குநேரி மற்றும் விக்கிரவாண்டி தொகுதிகளில் அதிமுக மகத்தான வெற்றி பெறும் என்றார் தமிழக செய்தி மற்றும் விளம்பரத்துறை அமைச்சர் கடம்பூர் செ.ராஜு.

தூத்துக்குடி மாவட்டம், கோவில்பட்டியில் அமைச்சர் கடம்பூர் செ.ராஜு, செய்தியாளர்களிடம் பேசியதாவது: தமிழகத்தில் 25 ஆண்டுகளாக ஸ்டெர்லைட் ஆலை செயல்பட்டு வந்தது. மாவட்டத்தின் வளர்ச்சிக்காக ஒரு நிதியை வைப்புத் தொகையாக செலுத்த வேண்டும் என்ற நிபந்தனையில்தான் ஆலை தொடங்கப்பட்டது.
அவர்கள் நிறுவனத்தின் சார்பில் செலுத்திய தொகையில் இருந்துதான் ஆலையை சுற்றியுள்ள கிராமப் பகுதிகளில் வளர்ச்சிப் பணிகள் நடைபெற்று வருகிறது. ஸ்டெர்லைட் ஆலையை மூடிய பின்பு அவர்களிடமிருந்து எந்த நிதியும் பெறப்படவில்லை. ஏற்கெனவே வைப்புத் தொகையாக செலுத்திய நிதியில் இருந்து கிடைக்கும் வட்டியில் இருந்து தான் அந்தப் பகுதிக்கு உள்பட்ட கிராமங்களில் வளர்ச்சிப் பணிகள் நடைபெறுகிறது.
திமுக தலைவர் ஸ்டாலின் கூறுவதுபோல தமிழகத்தில் கருத்துரிமை நசுக்கப்பட்டால் தினமும் அவரது அறிக்கை, கண்டனம் எப்படி வெளிவரும் ? தினமும் அவர் இரண்டு, மூன்று கண்டனங்களை வெளியிடுகிறார். தேவையில்லாத விமர்சனங்களை வைக்கிறார். குற்றம் கண்டு பெயரெடுப்பவர்களில் தற்போது மு.க.ஸ்டாலினும் இருக்கிறார். அவரால் எந்தக் குற்றமும் இதுவரை நிரூபிக்கப்படவில்லை. எனவே, ஸ்டாலின் தன் நிலைப்பாட்டை மாற்றிக் கொண்டு அரசுக்கு நல்ல ஆலோசனைகளை வழங்கினால் அவருக்கும், அவரது எதிர்காலத்திற்கும் நல்லது.

ஸ்டெர்லைட் ஆலை தொடர்பாக பத்திரிகைகளும், ஊடகங்களும் தேவையற்ற வதந்திகளை பரப்ப வேண்டாம் என்பது எனது வேண்டுகோள். அந்த ஆலை தொடர்பாக தெளிவான அரசாணை வெளியிடப்பட்டது. அது செல்லும் என உச்சநீதிமன்றம் தீர்ப்பு வழங்கியுள்ளது. இப்படிப்பட்ட கருத்தை நாம் அனைவரும் சேர்ந்து மக்களிடம் கொண்டு சேர்க்க வேண்டும். தேவையற்ற பீதியை கிளப்பியதன் காரணமாகத்தான் நமது மாவட்டத்தில் 16 பேர் உயிரிழந்த சம்பவம் நடந்தது.

இடைத்தேர்தல் நடைபெறவுள்ள நாங்குநேரி, விக்கிரபாண்டி தொகுதிகளில் அதிமுக போட்டியிடும்.நடந்து முடிந்த வேலூர் மக்களவைத் தேர்தலில் அதிமுக 48 சதவீதம் வாக்குகள் பெற்றுள்ளது. திமுக 49 சதவீதம் வாக்குகள் பெற்றுள்ளது. நூலிழையில் திமுக வெற்றி பெற்றுள்ளது. குறுகிய காலத்திற்குள் இவ்வளவு மாற்றம் ஏற்பட்டுள்ளது. எனவே, வரும் இடைத்தேர்தலிலும், உள்ளாட்சித் தேர்தல் மற்றும் 2021இல் நடைபெறவுள்ள சட்டப்பேரவைத் தேர்தல்களிலும் அதிமுக மகத்தான வெற்றி பெறும் என்றார் அவர்.Conclusion:

For All Latest Updates