திருவண்ணாமலையில் நேற்று வணிகர் சங்க பேரவையின் ஆலோசனைக் கூட்டம் நடைபெற்றது. இதில் பங்கேற்ற அதன் மாநிலத் தலைவர் வெள்ளையன், பின்பு செய்தியாளர்களிடம் பேசினார்.
அப்போது அவர், "கோயில் இடத்தில் வியாபாரம் செய்யும் வியாபாரிகளின் வாடகை வசூல் பணத்தில் கோயில் விழாக்களை நடத்திய காலத்திலிருந்து சுமார் 50 ஆண்டுகளுக்கும் மேலாக தொழில் செய்துவரும் நூற்றுக்கணக்கான வியாபாரிகளின் வாழ்வாதாரத்தை பாதிக்கும் வகையில் கோயில் முன்பாக கார் நிறுத்துமிடம் (பார்க்கிங்) அமைக்க முடிவு எடுத்திருக்கிறார்கள்" எனத் தெரிவித்தார்.
இந்தச் செயல் தனி ஒருவருக்காக வியாபாரிகளை காலி செய்ய நினைக்கும் திட்டம் என்று பகிரங்கமாக குற்றம்சாட்டிய வெள்ளையன், இந்த முயற்சியை அண்ணாமலையார் கோயில் நிர்வாகம் கைவிடாவிட்டால் வணிகர் சங்கம் சார்பில் தீவிர போராட்டம் நடத்தப்படும் என்றும் எச்சரிக்கைவிடுத்தார்.
