சென்னை கோயம்பேடு சந்தையில் தகுந்த இடைவெளி கடைப்பிடிக்காத காரணத்தால் 200 கடைகளுடன் தற்காலிக சந்தை திருவள்ளூர் மாவட்டம் திருமழிசை பகுதியில் அமைக்கப்பட்டது. அந்த சந்தை இன்று மக்கள் பயன்பாட்டிற்கு வந்த நிலையில் போதிய ஊழியர்கள் வராத காரணத்தால் 50 கடைகள் இயங்கவில்லை.
இந்நிலையில் ஆந்திரா, கர்நாடகா, பெங்களூரு, உள்ளிட்ட பல்வேறு மாநிலங்களிலிருந்து தக்காளி, வெங்காயம், பீட்ரூட், உள்ளிட்ட காய்கறிகள் 400 கனரக வாகனங்களில் 3500 டன் காய்கறிகள் எடுத்து வரப்பட்டது. இதில் 3000 டன் காய்கறிகள் ரூபாய் 60 லட்சத்திற்கு விற்பனை ஆகி உள்ளதாக கோயம்பேடு மார்கெட் முதன்மை அதிகாரி கோவிந்தராஜ் தெரிவித்துள்ளார்.
அதுமட்டுமின்றி திருமழிசை சந்தை தூரத்தில் அமைந்துள்ளதால் அதிகாலையிலேயே சென்னையைச் சேர்ந்த வியாபாரிகள் அதிகளவில் வந்து வாங்கிச் சென்று விட்டனர். தற்போது காஞ்சிபுரம், திருவள்ளூர் பூந்தமல்லி, உள்ளிட்ட சுற்று பகுதியில் சேர்ந்த வியாபாரிகள் மட்டுமே காய்கறிகளை வாங்கி செல்கின்றனர். மேலும் தகுந்த இடைவெளியை கடைபிடிக்கும் வகையில் வியாபாரம் நடத்தப்பட்டது.
இதையும் படிங்க: அத்தியாவசியப் பொருள்கள் வழங்கிய கே.என். நேரு
