நெல்லையில் பரிதாபம் - கார் விபத்தில் சிக்கி நண்பர்கள் உயிரிழப்பு

நெல்லை: திருச்செந்தூர் நெடுஞ்சாலையில் ஏற்பட்ட கார் விபத்தில் நண்பர்கள் மூன்று பேர் உயிரிழந்தனர்.

திருநெல்வேலி மாவட்டம் வள்ளியூர்- திருச்செந்தூர் நெடுஞ்சாலையில் திசையன்விளை அருகே மன்னார்புரத்தில் கார் ஒன்று சென்றுகொண்டிருந்தது. அந்தக் கார் கவிழ்ந்து விபத்துக்குள்ளானதில் காரில் பயணம் செய்த பொன் சேகர்(43), ரெனிஸ் வில்சன் ஹெரோபின்(39), வில்சன் ரஜினி ராஜா(35) ஆகிய மூவரும் சம்பவ இடத்திலேயே உயிரிழந்தனர்.

இவர்கள் மூவரும் நண்பர்கள் என கூறப்படுகிறது. விபத்து குறித்து தகவல் அறிந்த திசையன்விளை காவல் துறையினர் சம்பவ இடத்துக்கு சென்று உடல்களை மீட்டு உடற்கூராய்வுக்காக அனுப்பிவைத்தனர்.