'ஆயுஷ்மான் பாரத்' இலவச மருத்துவத்தை ஒழிக்கும் - மருத்துவர்கள் சங்கம் எதிர்ப்பு - ஆயுஷ்மான் பாரத்

திருநெல்வேலி: "பொது சுகாதாரத்துறையின் இலவச மருத்துவ சேவையை ஒழிக்கும் நோக்குடன் மத்திய அரசு கொண்டு வந்துள்ள ஆயுஷ்மான் பாரத் திட்டம் கண்டிக்கத்தக்கது" என, சமூக சமத்துவத்திற்கான மருத்துவர்கள் சங்க மாநில பொதுச்செயலாளர் டாக்டர் ஜி.ஆர்.ரவீந்திரநாத் தெரிவித்துள்ளார்.

ஜி.ஆர்.இரவீந்திரநாத்

Published : Feb 9, 2019, 10:58 PM IST

சமூக சமத்துவத்திற்கான மருத்துவர்கள் சங்க மாநில பொதுச்செயலாளர் டாக்டர் ஜி.ஆர்.ரவீந்திரநாத் நெல்லையில் செய்தியாளர்களிடம் கூறியதாவது,

"அரசுப் பள்ளி மாணவர்களுக்கு மருத்துவப் படிப்பில் 50 விழுக்காடும், அரசு மருத்துவர்களுக்கு முதுநிலை மருத்துவக் கல்வியில் 50 விழுக்காடும் இட ஒதுக்கீடு வழங்க வேண்டும். அரசு மருத்துவர்களின் ஊதிய உயர்வு கோரிக்கைகளை தமிழக அரசு ஏற்காமல் அலட்சியம் செய்து வருவது கண்டிக்கத்தக்கது.

மருத்துவ நிறுவனங்களை முறைப்படுத்தும் சட்டப்படி பதிவு செய்ய கூடுதலாக 6 மாதம் கால அவகாசம் வழங்க வேண்டும். மருத்துவர்களின் பதிவை புதுப்பிப்பதற்காக நடைமுறைப் படுத்தும் திட்டங்களை கைவிட வேண்டும்.

ஜி.ஆர்.இரவீந்திரநாத்

பொது சுகாதாரத்துறையின் இலவச மருத்துவ சேவையை ஒழிக்கும் நோக்குடன் மத்திய அரசு கொண்டு வந்துள்ள ஆயுஷ்மான் பாரத் திட்டம் கண்டிக்கத்தக்கது. பச்சிளங் குழந்தைகளுக்கான தீவிர சிகிச்சை மையங்களுக்கு ஒப்பந்த அடிப்படையில் செவிலியர்களை நியமிக்காமல், நிரந்தர பணியாளர்களை நியமிக்க வேண்டும்.

அனைத்து ஆரம்ப சுகாதார நிலையங்களிலும் ரத்தப் பரிசோதனை நிலையங்களை தொடங்க வேண்டும்", என்று தெரிவித்தார்.

ஜி.ஆர்.இரவீந்திரநாத்

அரசுப் பள்ளி மாணவர்களுக்கு மருத்துவப் படிப்பில் 50 விழுக்காடு இட ஒதுக்கீடு வழங்க வேண்டும் எனவும், இலவச மருத்துவ சேவையை ஒழிக்கும் நோக்குடனும் மத்திய அரசு ஆயுஷ்மான் பாரத் திட்டத்தை கொண்டு வந்திருப்பது கண்டிக்கத்தக்கது எனவும் நெல்லையில் சமூக சமத்துவத்திற்கான மாநில பொதுச்செயலாளர் டாக்டர் ஜி.ஆர்.இரவீந்திரநாத் செய்தியாளர்களுக்கு அளித்த பேட்டியில் தெரிவித்தார்.

சமூக சமத்துவத்திற்கான டாக்டர்கள் சங்க மாநில பொதுச் செயலாளர் டாக்டர் ஜி.ஆர்.இரவீந்திரநாத் நெல்லையில் செய்தியாளர்களை சந்தித்தார். அப்போது பேசிய அவர், அரசு மருத்துவர்களுக்கு முதுநிலை மருத்துவக் கல்வியில் 50 விழுக்காடு இட ஒதுக்கீடு வழங்கிட இந்திய மருத்துவக் கழகத்தின் விதிகளில் திருத்தம் கொண்டுவர வேண்டும். அரசு மருத்துவர்களின் ஊதிய உயர்வு கோரிக்கைகளையும் ,
அவர்களின் போராட்டங்களையும் தமிழக அரசு அலட்சியம் செய்துவருவது கண்டிக்கத்தக்கது. அரசு மருத்துவர்களின் ஊதிய உயர்வு கோரிக்கைகளை தமிழக அரசு ஏற்கவேண்டும். அனைத்து மருத்துவ டிப்ளமோ படிப்புகளையும் முதுநிலை மருத்துவப் படிப்பாக மாற்றுவது வரவேற்கத்தக்கது.
ஏற்கனவே டிப்ளமோ படிப்பை முடிந்தவர்களுக்கும் ஓராண்டு பயிற்சி வழங்கி தேர்வு நடத்தி
முதுநிலை பட்டம் வழங்க வேண்டும். அரசுப் பள்ளி மாணவர்களுக்கு மருத்துவப் படிப்பில் 50 விழுக்காடு இட ஒதுக்கீடு வழங்க வேண்டும். மருத்துவ நிறுவனங்கள் முறைப்படுத்தும் சட்டப்படி மருத்துவ நிறுவனங்களை பதிவு செய்ய கூடுதலாக 6 மாதம் கால அவகாசம் வழங்க வேண்டும். சிறிய கிளினிக்குகள் மற்றும் மருத்துவ நிறுவனங்களில்தான் 70 விழுக்காடு மக்கள் சிகிச்சை பெற்று வருகின்றனர். இந்நிலையில் இந்நிறுவனங்களை மூடும் வகையில், மருத்துவ நிறுவனங்கள் முறைப்படுத்தும் சட்டத்தின் கீழ் உருவாக்கப்பட்டுள்ள விதி முறைகளை நீக்க வேண்டும். சிறிய மருத்துவ நிறுவனங்களை காக்க வேண்டும். தமிழ்நாடு மருத்துவக் கழகம் ,
மருத்துவர்களின் பதிவை புதுப்பிப்பதற்காக நடைமுறைப் படுத்தும் திட்டங்களை கைவிட வேண்டும். பொது சுகாதாரத்துறையை ஒழித்துக் கட்டும் நோக்குடனும், இலவச மருத்துவ சேவையை ஒழிக்கும் நோக்குடனும் மத்திய அரசு ஆயுஷ்மான் பாரத் திட்டத்தை கொண்டு வந்திருப்பது கண்டிக்கத்தக்கது. கருப்பை வாய் புற்று நோயை தடுப்பதற்கான தடுப்பூசியை அரசு இலவசமாக போட வேண்டும். பச்சிளங் குழந்தைகளுக்கான தீவிர சிகிச்சை மையங்களுக்கு ஒப்பந்த அடிப்படையில் செவிலியர்களை நியமிக்கக் கூடாது.நிரந்தர அடிப்படையில் நியமிக்க வேண்டும். அனைத்து ஆரம்ப சுகாதார நிலையங்களிலும் ,
இரத்தப் பரிசோதனை நிலையங்களை தொடங்கிட வேண்டும் என்று தெரிவித்தார்.

Visuals uploading in mojo.

For All Latest Updates