தேனி, மாவட்டம் பெரியகுளத்தில் சில்வர் ஜூபிலி ஸ்போர்ட்ஸ் கிளப் நடத்தும் சிதம்பர சூரியநாராயணன் நினைவு சுழற்கோப்பைக்கான 61-ஆம் ஆண்டு அகில இந்திய அளவிலான கூடைப்பந்தாட்டப் போட்டிகள் தொடங்கியுள்ளன.
கடந்த இரண்டு ஆண்டுகளாக கரோனா காரணமாக அகில இந்திய அளவிலான கூடைப்பந்தாட்ட போட்டிகள் நடைபெறாமல் இருந்த நிலையில், இரண்டு ஆண்டுகளுக்குப் பின்(மே15)அன்று தொடங்கியுள்ளது. இதில் தமிழகம் உட்பட புதுடெல்லி, தெலுங்கானா, வாரணாசி, லோனோவாலா, கோரக்பூர் (உபி) கேரளா உள்ளிட்ட மாநிலங்களில் இருந்து 24 அணிகள் பங்கேற்றுள்ளன. போட்டிகள் 21 ஆம் தேதி வரை 7 நாட்கள் நடைபெறுகிறது.
முதலாவதாக தமிழகத்தின் பல்வேறு மாவட்டங்களில் வந்திருந்த கூடைப்பந்தாட்ட கழக அணிகள் பங்கேற்ற மாநில அளவிலான போட்டிகள் நடைபெற்றது. ஞாயிற்று கிழமை நடைபெற்ற போட்டியில் தமிழகத்தை சேர்ந்த பெரியகுளம், நெல்லை, செங்கோட்டை, சேலம், திண்டுக்கல், தூத்துக்குடி, தஞ்சாவூர், கரூர் உள்ளிட்ட நகரங்களில் இருந்து வந்த அணிகள் மாநில அளவிலான போட்டிகளில் பங்கேற்றன. இந்திய அளவில் மற்றும் மாநில அளவிலான போட்டிகள் அனைத்தும் நாக் அவுட் முறையில் நடைபெறும் போட்டிகளில், வெற்றி பெரும் அணிகள், லீக் சுற்று போட்டிகளில் பங்கேற்க உள்ளன.
முதலாவதாக நடைபெற்ற போட்டியில் பெரியகுளம் சில்வர் ஜூப்ளி ஸ்போர்ட்ஸ் கிளப் அணியுடன் நெல்லை பி ஏ கே கே அணி மோதியதில் நெல்லை அணி 52க்கு 37 என்ற புள்ளி கணக்கில் வெற்றி பெற்றது. இதனைத் தொடர்ந்து இரண்டாவதாக நடைபெற்ற போட்டியில் பெரியகுளம் கிரீன்ஸ் அணியும் கும்பகோணம் அணியும் மோதியதில் கும்பகோணம் அணி 84க்கு 61 புள்ளிக் கணக்கில் வெற்றி பெற்றது.
இதனைத்தொடர்ந்து மூன்றாவதாக நடைபெற்ற போட்டியில் நாகர்கோவில் பிபிசி அறிவுடன் தேனி வடுகபட்டி அணி மோதியதில் நாகர்கோவில் பிபிசி அணி 82க்கு 59 என்ற புள்ளிகள் அடிப்படையில் நாகர்கோவில் பிசிசி அணி வெற்றி பெற்றது. நான்காவதாக நடைபெற்ற போட்டியில் சென்னை அணியும் தேனி அலஸ்மின் அணியும் மோதியதில் சென்னை அணி 63க்கு 34 என்ற புள்ளிகள் அடிப்படையில் வெற்றி பெற்றது.
தமிழக அளவில் நடைபெறும் போட்டியில் இன்று காலை லீக் சுற்றுகளில் போட்டிகள் நடைபெறும். அதனைத் தொடர்ந்து இந்திய அளவிலான போட்டிகள் துவங்கி பகல் மற்றும் மின்னொளியில் இரவு நேர ஆட்டங்கள் நடைபெறுகிறது.
இதையும் படிங்க: அறிமுக போட்டியிலேயே கவனம் ஈர்த்த குட்டி மலிங்கா! சி.எஸ்.கேவின் வருங்கால நட்சத்திரமா ? தோனி கணிப்பு
