சிவகங்கை அருள்மிகு பிள்ளைவயல் காளியம்மன் கோவில் பூச்சொரிதல் விழாவை முன்னிட்டு இன்று (ஜூலை 16) மாபெரும் மாட்டுவண்டி பந்தயம் நடைபெற்றது. பெரிய மாடு, நடுமாடு, சிறியமாடு என மூன்று சுற்றுகளாக நடைபெற்ற மாட்டுவண்டி பந்தயத்தில் சுமார் 30 க்கும் மேற்பட்ட மாட்டுவண்டிகள் பங்கேற்று சீறிப்பாய்ந்தன.
இதில் முதல்பரிசு 31 ஆயிரமும், இரண்டாம் பரிசு 27 ஆயிரமும், மூன்றாம் பரிசு 24 ஆயிரம் ரூபாயும் வழங்கப்பட்டன. முன்னதாக, பந்தயம் ஆரம்பத்தில் மாட்டு வண்டிகளை வரிசைப்படுத்தும்போதே, சீறி பாய்ந்த மாடுகள் கொடியசைப்பதற்கு முன்னதாகவே ஓட ஆரம்பித்தன.
இதில் ஒரு மாட்டு வண்டி மற்றொரு மாட்டு வண்டிமீது மோதியதில் சாரதி ஒருவர் மாட்டுவண்டியில் இருந்து கீழே விழுந்து தொங்கிக் கொண்டே சென்று சாலையில் விழுந்தார். இந்த மாட்டு வண்டி பந்தயத்தை காண ஏராளமான பார்வையாளர்கள் சாலையின் இரு புறமும் திரண்டிருந்தனர்.
இதையும் படிங்க: Video: சிவகங்கை பிள்ளைகள் வயல் காளியம்மன் கோவில் பூச்சொரிதல் விழா கொடியேற்றம்
