’அனைவரும் வாக்களித்து ஜனநாயகக் கடமையை நிறைவேற்ற வேண்டும்’ - முதலமைச்சர் வேண்டுகோள்

மக்கள் அனைவரும் வாக்களித்து தங்களது ஜனநாயகக் கடமையை நிறைவேற்ற வேண்டும் என்று முதலமைச்சர் எடப்பாடி பழனிசாமி வேண்டுகோள் விடுத்துள்ளார்.

சேலம்: தமிழ்நாடு முதலமைச்சர் எடப்பாடி பழனிசாமி இன்று (ஏப்.06) சேலம் மாவட்டம், எடப்பாடி சட்டப்பேரவைத் தொகுதிக்குள்பட்ட தனது சொந்த ஊரான சிலுவம்பாளையத்தில் உள்ள ஊராட்சி ஒன்றிய தொடக்கப்பள்ளி வாக்குச்சாவடியில் தன் குடும்பத்தினருடன் வரிசையில் நின்று வாக்களித்தார்.

அதனைத் தொடர்ந்து செய்தியாளர்களை சந்தித்த அவர், " தமிழ்நாட்டு மக்கள் அனைவரும் வாக்களித்து தங்களின் ஜனநாயகக் கடமையை நிறைவேற்ற வேண்டும்" என்று தெரிவித்தார்.

வாக்குப்பதிவு முடிந்த பின்னர் இன்று (ஏப்.06) இரவு அல்லது நாளை காலை முதலமைச்சர் எடப்பாடி பழனிசாமி கார் மூலம் சென்னை புறப்பட்டு செல்வார் என்று அலுவலர்கள் தகவல் தெரிவித்துள்ளனர்.

இதையும் படிங்க: மக்கள் தீர்ப்பே மகேசன் தீர்ப்பு'- அமைச்சர் செங்கோட்டையன்