புதுக்கோட்டை மாவட்டம் மீமிசல் அருகே உள்ள புதுக்குடி கிராமத்தில் அரசால் தடை செய்யப்பட்ட கடல் பசுவை சிலர் பிடித்து வருவதாக கடலோர பாதுகாப்பு அலுவலர்களுக்கு தகவல் கிடைத்தது.
இதனையடுத்து மணமேல்குடி கடலோர பாதுகாப்பு அலுவலர்கள் கடற்பகுதியில் தீவிர சோதனையில் ஈடுபட்டனர். அப்போது கடலில் நின்றுகொண்டிருந்த புதுக்குடி சுந்தராசு மகன் மாரிமுத்து (45), படகை சோதனை செய்தபோது சுமார் 4 அடி நீளத்தில் 100 கிலோ எடை கொண்ட கடல் பசு உயிருடன் இருந்தது.
கடத்தப்பட்ட கடல்பசுவை மீட்ட அலுவலர்கள் மீண்டும் கடலில்விட்டனர்
பின்னர் கடத்தலில் ஈடுபட்ட 4 பேரை பாதுகாப்பு அலுவலர்கள் கைது செய்து காவல் துறையினரிடம் ஒப்படைத்தனர். மேலும் உயிருடன் மீட்கப்பட்ட கடல் பசு மீண்டும் கடலிலேயேவிடப்பட்டது.
இதையும் படிங்க: கடற்கரை தூய்மைப் பணியில் ஈடுப்பட்ட மாணவர்கள்!
