புதுக்கோட்டை: திருக்கோகர்ணம் கோவில்பட்டி பகுதியைச் சேர்ந்தவர் ரவி. இவரது மகன் கிஷோர் குமார்(25). இவர் நேற்று முன்தினம் புதுக்கோட்டை டிவிஎஸ் கார்னர் அருகில் நடந்த சாலை விபத்தில் சிக்கினர். இந்த விபத்தில் அவருக்கு தலை உள்பட உடலின் பல்வேறு பாகங்களில் பலத்த காயம் ஏற்பட்டது.
புதுக்கோட்டை அரசு மருத்துவக் கல்லூரி மருத்துவமனையில் சேர்க்கப்பட்டு, தீவிர சிகிச்சை பிரிவில் சிகிச்சை பெற்று வந்த நிலையில் மூளைச்சாவு அடைந்தார். அதன்பின் மருத்துவர்கள் கிஷோர் குமாரின் குடும்பத்தினரிடமும் உடல் உறுப்புகள் தானம் குறித்து எடுத்துரைத்தனர்.
அதன்பின் அவரது தந்தை ரவி உடல் உறுப்பு தானம் செய்ய முன் வந்தார். அதைத்தொடர்ந்து உடல் உறுப்பு தானம் பெறுவதற்கான காத்திருப்போர் பட்டியலில் உள்ள நோயாளிகளின் விவரங்களின் அடிப்படையில் இதயம், கல்லீரல், லிவர், கிட்னி உள்ளிட்ட உடற்பாகங்கள் தானமாக கொடுக்கப்பட்டன. இந்த உடல் உறுப்புகள் மிகவும் பாதுகாப்பாக மருத்துவ விதிகளின்படி சென்னை உள்ளிட்ட பல்வேறு நகரங்களுக்கு கொண்டு செல்ல ஏற்பாடு செய்யப்பட்டது.
இதையும் படிங்க: இளநிலை எழுத்தர் தேர்வு வினாத்தாள் லீக்கானதால் தேர்வு ரத்து
