தமிழ்நாட்டில் கொண்டாடப்படும் சரஸ்வதி பூஜை, ஆயுத பூஜை பண்டிகைகளில் பொரிக்கு என்று தனி இடம் உண்டு. தமிழ்நாட்டில் நாமக்கல், சேலம், தருமபுரி உள்ளிட்ட மாவட்டங்களில் பழமையான முறையில் பொரி தயாரிக்கப்பட்டு வருகின்றது.
கர்நாடகா, மேற்கு வங்கத்தில் இருந்து நேரடியாக 64 என்ற ரக நெல் வாங்கி, அதில் இருந்து அரிசி எடுத்து, அதில் சிறிதளவு உப்பு, தண்ணீர் சேர்த்து காய வைத்து, சர்க்கரை, சோடா சேர்த்து பொரி தயாரிப்பதை 'ஓருப்பு பொரி' என்கின்றனர். அதேபோல் சிகப்பு அரிசியை வாங்கி அதில் பொரி தயாரிப்பதை 'சிகப்பரிசி பொரி' என்கின்றனர்.
மேலும், பொரி செய்யும்போது விறகுகள் மூலம் நெருப்பு மூட்டப்படுவதால் அந்த பொரியின் மனமும், சுவையும் மாறாமல் அப்படியே இருக்கும். இதனால், மக்கள் அடுப்பு பொரிகளையே விரும்பி வாங்குகின்றனர். இதற்கான ஆர்டர்களும் குவியத் தொடங்கியுள்ளது.
இதுகுறித்து பொரி தயாரித்து வரும் துரை என்பவர் கூறுகையில், ‘மூன்று தலைமுறைகளாக பொரி தயாரித்து வருகிறோம். கையால் தயாரிக்கப்படும் பொரி என்பதால் சுவை மிகுந்து காணப்படுவதால் மக்கள் அதிகம் விரும்புகின்றனர். ஒரு மூட்டை பொரி ரூ.420க்கு விற்பனை செய்யப்படுகிறது. கடந்தாண்டை விட இந்த ஆண்டு நல்ல விலை கிடைத்துள்ளதால் பொரி தயாரிப்பவர்களும், வியாபாரிகளும் மகிழ்ச்சி அடைந்துள்ளனர்’ என்று தெரிவித்தார்.
இதையும் படிங்க: நவராத்திரியை முன்னிட்டு களைகட்டும் கொலு பொம்மை விற்பனை!
