கழிப்பறையை கண்டுபிடித்துக் கொடுத்தால் ரூ.1 லட்சம் பரிசு - வடிவேலு பாணி போஸ்டரால் பரபரப்பு

மதுரை: தமிழ்நாடு அரசு கட்டிக்கொடுத்த தனிநபர் கழிப்பறையை கண்டுபிடித்து கொடுத்தால், ரூ.1 லட்சம் பரிசு வழங்கப்படும் என சுவரொட்டிகள் ஒட்டப்பட்டுள்ளது.

மதுரை மாவட்டம் கொட்டாம்பட்டி ஒன்றியம் பூதமங்கலம் ஊராட்சியில் அமைந்துள்ளது பொட்டம்பட்டி கிராமம். இங்கு அரசு சார்பில் கடந்த 2016, 2017ஆம் ஆண்டுகளில் கட்டப்பட்ட தனிநபர் கழிப்பறைகளை கண்டுபிடித்து தருபவர்களுக்கு ரூ. 1 லட்சம் பரிசு வழங்கப்படும் என அம்மாவட்டத்தைச் சேர்ந்த சமூக ஆர்வலர் அசாருதீன் சுவரொட்டிகள் ஒட்டியுள்ளார். இதனால் அப்பகுதியில் பெரும் பரபரப்பு ஏற்பட்டுள்ளது.

இந்த சுவரொட்டிகள், நடிகர் வடிவேலுவின் நகைச்சுவைக் காட்சியை ஒத்திருப்பதுடன், அந்த காட்சியும் சுவரொட்டிகளில் இடம்பெற்றுள்ளது.