தஞ்சாவூர் மாவட்டம் பூதலூர் வடக்கு ஒன்றியம் சார்பில் அதிமுகவின் 49ஆவது தொடக்க விழாவை முன்னிட்டு திருக்காட்டுப்பள்ளி கடைவீதியில் திருவையாறு முன்னாள் எம்எல்ஏவும், ஒன்றிய செயலாளர் ரெத்தினசாமி தலைமையில் கொடியேற்றி இனிப்புகள் வழங்கி கொண்டாடினர்.
அதைத் தொடர்ந்து கல்லணையில் உள்ள எம்ஜிஆர் சிலைக்கு மாலை அணிவித்து இனிப்புகள் வழங்கப்பட்டன. இதில் அதிமுகவின் மாவட்ட, ஒன்றிய, நகர, கிளை கழக பொறுப்பாளர்கள், அதிமுக உறுப்பினர்கள் திரளாக கலந்து கொண்டனர்.
இதேபோல் கிருஷ்ணகிரி மாவட்டம் பர்கூர் சட்டப்பேரவைத் தொகுதிக்கு உள்பட்ட வடக்கு அதிமுக ஒன்றிய கழகத்தின் சார்பில் பட்டாசுகள் வெடித்து உற்சாகத்துடன் கொண்டாடப்பட்டது.
பர்கூர் பேருந்து நிலையம் அருகில் நடைப்பெற்ற இந்த விழாவின்போது அதிமுக இயக்கத்தினை தொடங்கிய எம்ஜிஆரின் சிலைக்கு வடக்கு ஒன்றிய செயலாளர் ராஜேந்திரன் மாலை அணிவித்து மரியாதை செலுத்தினார். பின்னர் தொடர்ந்து கட்சியின் 49ஆவது ஆண்டு விழாவை கொண்டாடும் வகையில் அனைவருக்கும் இனிப்புகள் வழங்கப்பட்டன.
இதேபோல் திருவையாறில் திருவையாறு வடக்கு ஒன்றிய செயலாளர் தலைமையில் நடந்த ஆண்டு விழாவில் திரளானவர்கள் கலந்து கொண்டு எம்ஜிஆர், ஜெயலலிதா ஆகியோரின் படங்களுக்கு மலர்தூவி பட்டாசு வெடித்து ஊர்வலமாக சென்று அனைவருக்கும் இனிப்புகள் வழங்கி கொண்டாடினர்.
இதையும் படிங்க: இந்தியாவில் மனித பரிசோதனைக்கு தயாராகும் ரஷ்யாவின் ‛ஸ்புட்னிக்-வி'
