கரூர் மாவட்டத்தில் 1866ஆம் ஆண்டு நாச்சிமுத்து என்பவர் பிறந்து 1884ஆம் ஆண்டு தென் ஆப்பிரிக்காவிற்கு பணி நிமித்தமாகச் சென்று விட்டார். அங்கு அவருக்குத் திருமணமாகி மனைவி, குழந்தைகள் இருந்த நிலையில், 1951ஆம் ஆண்டு தனது 85ஆவது வயதில் காலமானார்.
இதையடுத்து, இவரின் கொள்ளுப் பேத்தி வெண்டி, அவரது கணவர் டெஸ்மாண்ட் ஆகியோர் தாத்தாவின் உறவினர்களைத் தேடி 140 ஆண்டுக்குப் பிறகு தற்போது கரூர் வந்துள்ளனர். வெண்டி தமிழ் மீது கொண்ட ஈர்ப்பாலும், பூர்வீகம் தமிழ் என்பதாலும் இரண்டு நாள்கள் இன்பச் சுற்றுலாவாக தமிழ்நாடு வந்திருந்தனர்.
தஞ்சாவூர், கும்பகோணம் போன்ற சுற்றுலாத் தலங்களைப் பார்த்துவிட்டு, தனது சொந்த ஊரான கரூரிற்கு வந்தனர். ஆனால், நேற்று ஒரு நாள் மட்டும் தேடியதில் உறவினர்கள் கிடைக்கவில்லை. இதனால் மீண்டும் அவர்களுடைய நாட்டிற்குத் திரும்பச் சென்றனர். மேலும் தங்களது உறவினர்களுடைய தகவல் கிடைத்தால், மறுபடியும் தமிழ்நாட்டிற்கு வருவதாக உறுதி அளித்துள்ளனர்.
இதையும் படிங்க:
அம்மா... அம்மா... நீ எங்கே அம்மா - டென்மார்க் இளைஞரின் பாசப் போராட்டம்!
