கன்னியாகுமரி: கன்னியாகுமரி ஒரு புறம் முழுவதும் மேற்கு தொடர்ச்சி மலைகளும் மறுபுறம் முழுவதும் நீண்ட கடற்கரையும் இயற்கையாகவே கொண்ட ஒரு மாவட்டம். இதனால் மலை வளமும், கடல் வளமும் உள்ள பெரும்பாலான பகுதிகள் சுற்றுலா மையங்களாக இயற்கையாகவே அமைந்துள்ளது. மாங்குரோவ் காடுகள் அமைந்துள்ள மணக்குடியில் சுற்றுலா திட்டத்தை மேம்படுத்தும் வகையில் பல்வேறு திட்டங்கள் செயல்படுத்தப்பட்டு வருகின்றன.
பரந்து விரிந்து காணப்படும் மாங்குரோவ் காடுகளில் பல்வேறு வகையான வெளிநாட்டு பறவைகள், இந்தியாவில் பல மாநிலங்களில் இருந்து பல விதமான பறவைகள் என பல்லாயிரம் கிலோ மீட்டர்கள் கடந்து இங்கு ஒவ்வொறு ஆண்டும் வலசை செல்வது வழக்கம். இங்கு வரும் பறவைகளை பார்க்க கன்னியாகுமரிக்கு வரும் சுற்றுலா பயணிகள் அதிகரித்து காணப்படும். அப்படி வரும் சுற்றுலா பயணிகள் காயலில் சென்று பறவைகளை பார்ப்பதற்கும் ஏற்பாடு செய்யப்பட்டு வருகிறது.
இதையும் படிங்க: மேடம் நீங்களா..? ஷர்மிளாவுக்கு ஷாக் கொடுத்த வானதி.. கோவை பேருந்தில் கலகல பயணம்!
காயலில், படகு சம்பந்தமான பல்வேறு விளையாட்டுகள் மற்றும் பயனிகளுக்கு பொழுதுபோக்கு அம்சங்கள் உடன் சுற்றுலா பயணிகளை கவரும் வகையில் கடலும் கடலை சார்ந்த காயலில் படகுகள் இயக்குவது குறித்து மாவட்ட நிர்வாகம் ஆய்வு செய்து வந்தது. அந்த வகையில் தனியார் மூலம் சுற்றுலா படகுகள் இயக்கும் திட்டத்திற்கு வெள்ளோட்ட பணிகள் நடைபெற்றது.
இந்த அதிவிரைவு சுற்றுலா படகில் சென்று பால்வளத்துறை அமைச்சர் மனோ தங்கராஜ், மாவட்ட ஆட்சியர் ஸ்ரீதர் மற்றும் அதிகாரிகள் குழுவினர் பார்வையிட்டனர். இந்த சுற்றுலாப் திட்டம் நடைமுறைக்கு வந்தால் கன்னியாகுமரிக்கு வரும் சுற்றுலா பயணிகளின் எண்ணிக்கை மேலும் கணிசமாக உயரும் எனவும் எதிர்பார்க்கப்படுகிறது.
இதையும் படிங்க: அண்ணாமலை வருகைக்கு பிறகே தமிழகத்தில் பாஜக வளர்ச்சி: உமாரதி ஓப்பன் டாக்!
உள்நாடு மற்றும் வெளிநாட்டு பறவைகளின் புகழிடமாக விளங்கும் இந்த சதுப்புநில காட்டு பகுதிகள் மிகச் சிறந்த சுற்றுலா மையமாக மாறும் என்பதில் எவ்வித ஐயமுமில்லை குறிப்பிடதக்கது. மேலும், இந்த நிகழ்வில் மாவட்ட சுற்றுலா அலுவலர் சதீஸ்குமார், லெட்சுமிபுரம் தொடக்க வேளாண்மை கூட்டுறவு கடன் சங்கத்தலைவர் சந்திரா உள்பட பலர் கலந்து கொண்டனர்.
இதையும் படிங்க: 'இரட்டைக்குழல் துப்பாக்கியாக அதிமுக - அமமுக செயல்படும்' - வைத்திலிங்கம்
