சென்னை ஐஐடி மாணவி ஃபாத்திமா தற்கொலை உள்ளிட்ட பெண்களுக்கு எதிரான வன்கொடுமைகளை எதிர்த்தும், சமூக வலைதளங்களில் பெண்களை அவமதித்தலைக் கண்டித்தும், அரசுகள் உரிய நடவடிக்கை எடுக்கக் கோரியும் கன்னியாகுமரி மேற்கு மாவட்ட திமுக மகளிர் அணி சார்பில் அமைப்பாளர் கிளாடிஸ் லில்லி தலைமையில் வாயில் கருப்பு துணி கட்டி நூற்றுக்கும் மேற்பட்ட பெண்கள் ஆர்ப்பாட்டத்தில் ஈடுபட்டனர்.
இந்த ஆர்ப்பாட்டத்தில், நாட்டில் இன்று பெண்களுக்கு பாதுகாப்பு இல்லாத சூழ்நிலை ஏற்பட்டுள்ளது. எங்கு பார்த்தாலும் கொலை, கொள்ளை, பாலியல் அத்துமீறல்கள் கட்டவிழ்த்து விடப்பட்டுள்ளதன. குடும்ப பெண்களையும், கல்லூரி, மாணவ, மாணவிகளையும் குறிவைத்து சமூக விரோத கும்பல் ஃபேஸ்புக், வாட்ஸ் அப் என சமூக வலைதளங்களில் அவதூறு பரப்பி கொடுமைப்படுத்துகின்றனர்.
இதனால் பலர் தற்கொலை உள்ளிட்ட முடிவுகளுக்கு தள்ளப்படுகின்றனர். பலர் மனநிலை பாதிக்கப்பட்டுள்ளனர். எனவே, சமூக வலைதளங்களில் பெண்களை அவமதித்ததலை தடுக்க வேண்டும்’ என திமுக மகளிர் அணி சார்பாக கோரிக்கை வைக்கப்பட்டது.
இதையும் படிங்க: அன்றும் இன்றும் என்றென்றும் அம்பேத்கர்.!
