நாகர்கோவிலில் உள்ள ஸ்காட் கிறிஸ்தவ கல்லூரி மைதானத்தில், உங்கள் தொகுதியில் ஸ்டாலின் நிகழ்ச்சி நடைபெற்றது. 10 ஆயிரத்திற்கும் மேற்பட்டோர் கலந்து கொண்ட இதில், திமுக தலைவர் மு.க.ஸ்டாலின் பங்கேற்று, பொதுமக்களிடம் குறைகளை கேட்டறிந்து அவர்களுக்கு பதிலளித்தார். அப்போது, திமுக ஆட்சிக்கு வந்ததும், குமரியில் பல்கலைக்கழகம் அமைக்க நடவடிக்கை எடுக்கப்படும் என்று அவர் அறிவித்தார்.
மேலும் பேசிய அவர்,”விவசாயிகளின் நலனை கருத்தில் கொண்டு அவர்களது பயிர் கடன் ரத்து செய்யப்படும் என நான் அறிவித்ததை பார்த்து, நேற்று எடப்பாடி பழனிசாமியும் அதே அறிவிப்பை வெளியிட்டுள்ளார். அதே போல் நான் அறிவித்த கூட்டுறவு வங்கியில் 5 பவுன் வரை அடகு வைத்திருப்பதை வட்டியின்றி ரத்து செய்வோம் என்றதையும், விரைவில் பழனிசாமி அறிவிப்பார்.
மக்களுக்கு மின்சாரம், குடிநீர், பட்டா, வேலைவாய்ப்பு என பல்வேறு பிரச்சனைகள் இருக்கிறது. திமுக ஆட்சிக்கு வந்ததும் அனைத்து பிரச்சனைகளும் தீர்த்து வைக்கப்படும். பேச்சை குறைத்து செயலில் திறமையை காட்ட வேண்டும் என நினைப்பவன் நான். குமரிப் பகுதியை தமிழகத்துடன் இணைக்க நடந்த எல்லைப்போராட்டத்தில் பங்கேற்ற தியாகிகளுக்கு பல சலுகைகள் திமுக அரசால் வழங்கப்பட்டுள்ளன.
தன்னை முதலமைச்சர் எனக் கூறிக்கொள்ளும் எடப்பாடி பழனிசாமியை கட்சியில் உள்ளவர்கள் யாரும் மதிப்பதே இல்லை. அதிமுக ஆட்சி ஒரு அரைகுறை ஆட்சி. இந்த ஆட்சி தமிழ்நாட்டை கெடுத்து வருகிறது” என்றார்.
இதையும் படிங்க: அமைச்சர் எஸ்பி வேலுமணிக்கு கருப்புக் கொடி காட்ட முயன்ற திமுகவினர் கைது!
