குமரியில் 70 % பேருந்துகள் இயக்கம்

குமரி மாவட்டத்தில் 70 விழுக்காடு பேருந்துகள் இயக்கப்பட்ட நிலையில், கேரளாவுக்கு பேருந்துகள் இயக்கப்படவில்லை.

கன்னியாகுமரி: குமரி மாவட்டம் உள்ளிட்ட 23 மாவட்டங்களில் பேருந்து சேவை இன்று முதல் தொடங்கப்பட்டுள்ளது. மக்கள் கரோனா அச்சம் குறைந்து, உற்சாகத்துடன் பேருந்துகளில் பயணம் செய்தனர்.

குமரி மாவட்டத்தில் 70 விழுக்காடு பேருந்துகள் இயக்கப்பட்டன. கன்னியாகுமரி, நாகர்கோவில், மார்த்தாண்டம் உள்பட அனைத்து பகுதிகளில் இருந்தும் அனைத்து கிராம பகுதிகளுக்கும் பேருந்துகள் செல்கின்றன.

குமரியில் 70% பேருந்துகள் இயக்கம்

திருச்செந்தூர், மதுரை, சென்னை உள்ளிட்ட வெளியூர்களுக்கும் பேருந்துகள் இயக்கப்பட்டு வருகின்றன. அதே நேரத்தில் கேரளாவுக்கு அரசு பேருந்து போக்குவரத்து இன்னும் தொடங்கப்படவில்லை.