ஈரோடு அருகேயுள்ள சோலார் பகுதியில் தனியாருக்குச் சொந்தமான பேட்டரியில் இயங்கும் வாகனங்கள் விற்பனை நிலையத்தை தமிழ்நாடு சுற்றுச்சூழல் துறை அமைச்சர் கே.சி.கருப்பண்ணன் திறந்து வைத்தார்.
பின்னர் செய்தியாளர்களிடம் அவர் பேசுகையில், "தமிழ்நாடு அரசு அனைத்துத் துறைகளிலும் சிறப்பான முறையில் ஆட்சி புரிந்துவருகிறது. 2021ஆம் ஆண்டு சட்டப்பேரவைத் தேர்தலில் மட்டுமல்ல, பழனிசாமி இருக்கும்வரை அவர்தான் மாநிலத்தின் முதலமைச்சராக இருப்பார்.
கட்சியில் 11 பேர் கொண்ட வழி காட்டுதல் குழுவில் இருப்பவர்கள் ஆண்களா, பெண்களா என்று பார்ப்பதைவிட, அவர்கள் அனைவரும் நேர்மையும், திறமையும் கொண்டவர்களாக இருக்கிறார்கள். முதலமைச்சர் வேட்பாளர் அறிவிப்பில் எவ்வித குழப்பமும், சிக்கலுமில்லாமல் ஒருமனதாக தேர்வு செய்யப்பட்டு அறிவிக்கப்பட்டுள்ளது" என்றார்.
இதையும் படிங்க: 12 ஆம் வகுப்பிற்கான அசல் மதிப்பெண் சான்றிதழ் அக். 14ஆம் தேதி வழங்கப்படும் - பள்ளிக் கல்வித்துறை
