திண்டுக்கல்: வேடசந்தூர் அருகே உள்ள கெச்சானிபட்டியைச் சேர்ந்தவர் வனராஜ். இவருக்கும் இவரது அண்ணன் தவமணி என்பவருக்கும் இடையே சொத்துப் பிரச்சினை இருந்து வந்துள்ளது.
இந்த நிலையில் வனராஜ் தனது மனைவி ராசாத்தியுடன் இன்று தவமணி வீட்டின் அருகே நடந்து சென்று கொண்டிருந்தார். அப்போது தவமணி, அவரது உறவினர்கள் அவர்களை வழிமறித்து தகராறு செய்துள்ளனர்.
ரத்தம் சொட்ட சொட்ட புகார்
தகராறு முற்றிய நிலையில் அவர்கள் அனைவரும் சேர்ந்து வனராஜை இருப்புக் கம்பியால் தாக்கியுள்ளனர். தடுக்க சென்ற ராசாத்தியை அரிவாளால் வெட்டியதாக கூறப்படுகிறது. இதில் காயமடைந்த வனராஜ், ராசாத்தி ஆகிய இருவரும் வடமதுரை காவல் நிலையத்தில் ரத்தம் சொட்ட சொட்ட புகார் அளிக்க சென்றுள்ளனர். வடமதுரை காவல்துறையினர் அவர்களை சமாதானப்படுத்தி உடனடியாக திண்டுக்கல் அரசு மருத்துவமனைக்கு சிகிச்சைக்கு அனுப்பிவைத்னர்.
5 பேர் கைது
அதன் பின்னர் காவல்துறையினர் தவமணி, அவரது குடும்பத்தினர் பாண்டியம்மாள், சிங்கப்பாண்டி, காளீஸ்வரி, ரேகா ஆகிய ஐந்து பேர் மீது வழக்குப்பதிவு செய்து கைது செய்தனர்.
ரத்தம் சொட்டச்சொட்ட வடமதுரை காவல் நிலையத்தில் புகார் அளிக்க வந்த கணவன் மனைவியால் அந்த பகுதியில் சிறிது நேரம் பரபரப்பு ஏற்பட்டது.
இதையும் படிங்க: சுகாதார ஆய்வாளர் மீது தாக்குதல் - இருவர் கைது
