கோயம்புத்தூர் மாவட்டம் பொள்ளாச்சி - உடுமலை சாலையில் உள்ள பொதுப்பணித்துறை அலுவலகத்தை ஆழியார் பாசன விவசாயிகள் பாசனத்திற்குத் தண்ணீர் திறந்துவிடக் கோரி முற்றுகையிட்டு மனு அளித்தனர்.
இது குறித்து விவசாயிகள் கூறும்போது, 'ஆயக்கட்டு பாசனம் தொடர்பாக கடந்த வருடம் அக்டோபர் 23ஆம் தேதி தண்ணீர் வேண்டி, இரண்டு கட்டப் பேச்சுவார்த்தைக்குப் பின் 2 ஆயிரத்து 709 மில்லியன் கனஅடி தண்ணீர் திறந்து விடப்பட்டது. இந்த வருடம் பாசன விவசாயத்திற்கு குறைந்தபட்சம் 2 ஆயிரத்து 420 மில்லியன் கனஅடி திறந்துவிட வேண்டும்.
நெல், மக்காசோளம் போன்ற குறுகிய காலப் பயிர்களை பயிரிடுவதற்கு ஏதுவாக இருக்கும் எனப் பொது பணித்துறை அதிகாரிகளிடம் கோரிக்கை வைக்கப்பட்டது. முக்கியக் கால்வாய்களில் புதர் மண்டியும், மதுபாட்டிகள் நிறைந்தும் காணப்படுகிறது. பாசன தண்ணீர் வரும் முன், அதனை அப்புறப்படுத்த வேண்டும் எனவும் தெரிவித்தனர்.
இதையும் படிங்க : விவசாயிகள் பெயரில் கடன் பெற்று மோசடி - ஆர்ப்பாட்டத்தில் ஈடுபட்ட பாதிக்கப்பட்டோர்!
