பத்தாம் வகுப்பு கணித தேர்வு: தேர்தல் பயிற்சி வகுப்பிற்கு ஆசிரியர்கள் எதிர்ப்பு

சென்னை: பத்தாம் வகுப்பு கணித தேர்வு வரும் 25 ஆம் தேதி நடைபெற இருப்பதால், தேர்தல் பயிற்சி வகுப்பை மாற்ற வேண்டும் என ஆசிரியர்கள் போர்க்கொடி உயர்த்தியுள்ளனர்.

பத்தாம் வகுப்பு மாணவர்கள்

Published : Mar 16, 2019, 10:45 AM IST

தமிழ்நாடு ஆசிரியர் முன்னேற்ற சங்கத்தின் மாநில தலைவர் தியாகராஜன் தமிழகதலைமை தேர்தல் அதிகாரியிடம் அளித்துள்ள மனுவில்,நடைப்பெறவுள்ள 17-வது நாடாளுமன்ற தேர்தலுக்காக தமிழகத்தில் ஏப்ரல் 18-ந் தேதி வாக்குப்பதிவு நடைபெறவுள்ளது. இதை முன்னிட்டு, தேர்தல் பணியில் ஈடுபடும் ஆசிரியர்களுக்கு மார்ச் 24 ஆம் தேதியன்று முதற்கட்ட பயிற்சி வகுப்பு நடைபெறும் என அறிவிக்கப்பட்டுள்ளது.

மார்ச் 25-ந் தேதியன்று பத்தாம் வகுப்பு மாணவர்களுக்கு கணிதப் பாடத்தில் பொதுத் தேர்வு நடைப்பெறவுள்ளது.இதற்காக மாணவர்களுக்கு தேர்வு முந்தைய நாளான மார்ச் 24 ஆம் தேதி பயிற்சி அளிக்க வேண்டியுள்ளது. இதனால் பயிற்சி வகுப்பை மார்ச் 30 அல்லது 31 ஆகிய தேதிகளில் நடத்தினால் மாணவர்களுக்கு 24-ந் தேதியன்று பயிற்சியளிக்க வாய்ப்பாக அமையும். மேலும் கடந்த தேர்தலை போன்று கர்ப்பிணி பெண்களுக்கு, பாலூட்டும் தாய்மார்களுக்கு, வயதான உடல் நலிவுற்ற ஆண், பெண்களுக்கு தேர்தல் பணியிலிருந்து முற்றிலும் விலக்களிக்க வேண்டும் என வலியுறுத்தப்பட்டிருந்தது.

அதேபோல் தமிழ்நாடு பட்டதாரி ஆசிரியர் கூட்டமைப்பின் மாநில பொதுச்செயலாளர் பேட்ரிக் ரெய்மெண்ட்டும், மாணவர்களுக்கு கணித தேர்வு நடைபெற இருப்பதால் தேர்தல் பயிற்சி வகுப்பை ரத்து செய்ய வேண்டும் என மனு அளித்துள்ளார்.

10 ம் வகுப்பு கணக்கு தேர்வு

தேர்தல் பயிற்சி வகுப்பிற்கு

ஆசிரியர்கள் எதிர்ப்பு

சென்னை,

பத்தாம் வகுப்பு கணக்கு தேர்வு 25ம் தேதி நடைபெறுவதால் தேர்தல் பயிற்சி வகுப்பை மாற்ற வேண்டும் என ஆசிரியர்கள் போர்கொடி தூக்கி உள்ளனர்.

தமிழ்நாடு ஆசிரியர் முன்னேற்ற சங்கத்தின் மாநில தலைவர் தியாகராஜன் தமிழக தலைமை தேர்தல் அதிகாரியிடம் அளித்துள்ள மனுவில், நடைப்பெறவுள்ள 17-வது நாடாளுமன்ற தேர்தலுக்காக தமிழகத்தில் ஏப்ரல் 18 ந் தேதி வாக்குபதிவு நடைப்பெறவுள்ளதை முன்னிட்டு தேர்தல் பணியில் ஈடுபடும் ஆசிரியர்களுக்கு 24.3.2019 அன்று முதற்கட்ட பயிற்சி வகுப்பு நடைப்பெறும் என அறிவிக்கப்பட்டுள்ளது.

25.3.2019 அன்று 10 ம் வகுப்பு மாணவர்களுக்கு கணிதப் பாடத்தில் பொதுத் தேர்வு நடைப்பெறவுள்ளது. இதற்காக 10ம் வகுப்பு பொதுத் தேர்வு எழுதவுள்ள மாணவர்களுக்கு 24.3.2019 அன்று கணித பாடத்திற்கு பயிற்சி அளிக்க வேண்டியுள்ளதாலும் மாணவர்களுக்கு 23.3.2019 ( விருப்ப மொழிப் பாடம் ) வரை தேர்வும் 24.3.2019 அன்று ஒரு நாள் மட்டும் பயிற்சி அளிக்க கால அவகாசம் உள்ளதாலும் 29.3.2019 அன்றைய தேதியுடன் பொதுத் தேர்வு எழுதவுள்ள 10,11,12 உள்ளிட்ட அனைத்து வகுப்புகளுக்கும் பொதுத் தேர்வு முடிவு பெறுவதாலும் பயிற்சி வகுப்பு 30.3.2019 அல்லது 31.3.2019 ஆகிய தேதிகளில் ஏதேனும் ஒரு தேதியில் நடத்தினால் மாணவர்களுக்கு 24.3.2019 அன்று பயிற்சி அளிக்க வாய்ப்பாக அமையும்.

மேலும் கடந்த தேர்தலை போன்று கர்ப்பிணி பெண்களுக்கு, பாலூட்டும் தாய்மார்களுக்கு, வயதான உடல் நலிவுற்ற ஆண்,பெண்களுக்கு தேர்தல் பணியிலிருந்து முற்றிலும் விலக்களிக்க வேண்டும் எனவும் வலியுறுத்தி உள்ளார்.

அதேபோல் தமிழ்நாடு பட்டதாரி ஆசிரியர் கூட்டமைப்பின் மாநில பொதுச்செயலாளர் பேட்ரிக் ரெய்மெண்ட் அளித்துள்ள மனுவில்,

தமிழகம் முழுவதும் 24.3.2019 ஞாயிறு அன்று தேர்தல் வகுப்பு நடைபெற உள்ளதாக தகவல் வெளியாகி உள்ளது.

மார்ச் 25 ம் தேதி பத்தாம் வகுப்பு கணிதத்தேர்வு நடைபெற உள்ள நிலையில் தமிழக தேர்தல் ஆணையம் தேர்வுக்கு முந்தைய நாளில் தேர்தல் பயிற்சி வகுப்பு நடத்த உள்ளதை மாற்ற முயற்சி செய்ய வேண்டும்.

தமிழக தேர்தல் ஆணையம் வேறொரு தேதியில் பயிற்சி வகுப்பு நடத்த வேண்டும்.

ஏற்கனவே சில ஆண்டுகளாக கணிதத் தேர்வு கடினத் தேர்வாக மாறியுள்ள நிலையில் தேர்வுக்கு முந்தைய நாளில் மாணவர்களுக்கு பயிற்சி வகுப்பு நடத்தவில்லை எனில் மாநிலம் முழுதும் கணிதத்தில் தேர்ச்சி விகிதம் குறையும் அபாயம் உள்ளது. எனவே மார்ச் 24 ஞாயிறு தேர்தல் பயிற்சி வகுப்பை ரத்து செய்ய வேண்டும் என வலியுறுத்தி உள்ளார்.

For All Latest Updates