சென்னை: சேலம் மற்றும் கிருஷ்ணகிரியில் அக்டோபர் 29ஆம் தேதி, ஆர்.எஸ்.எஸ் அமைப்பின் அணிவகுப்பு ஊர்வலம் நடத்த அனுமதி வழங்கக்கோரி, காவல் துறையிடம் மனு அளிக்கப்பட்டது. ஆனால் சட்டம் ஒழுங்கை காரணம் காட்டி அனுமதி வழங்க முடியாது என காவல் துறை மறுத்துள்ளது.
காவல் துறையின் உத்தரவை ரத்து செய்து, பேரணி நடத்த அனுமதி வழங்க வேண்டும் என ஆர்.எஸ்.எஸ் அமைப்பின் மாவட்ட தலைவர்கள் சார்பில் சென்னை உயர் நீதிமன்றத்தில் மனு தாக்கல் செய்யப்பட்டது.
அந்த மனு நீதிபதி ஜெயச்சந்திரன் முன்பு விசாரணைக்கு வந்தது. அப்போது காவல் துறை சார்பில் ஆஜரான வழக்கறிஞர், "ஆர்.எஸ்.எஸ் தன்னுடைய பேரணியை பள்ளிவாசல் மற்றும் கிறிஸ்த்தவ பேராலயங்கள் உள்ள பகுதிகளில் நடத்த திட்டமிட்டுள்ளது. அதனால் அமைதி பூங்காவான தமிழ்நாட்டில் சட்டம் ஒழுங்கு பிரச்ணை ஏற்பட்ட வாய்ப்புள்ளது. அதனால் முன்னெச்சரிக்கையாக அனுமதி மறுக்கப்பட்டது" என கூறினார்.
பின்னர், இது போன்ற நிகழ்ச்சிகளுக்கு தடை விதிக்காமல், கட்டுப்பாடுகள் விதித்து, ஏற்பாட்டாளர்களிடம் உத்திரவாதம் பெற்று, நிகழ்ச்சிக்கான அனுமதி வழங்க வேண்டும் என்று கூறிய நீதிபதி, வழக்கின் விசாரணையை அக்டோபர் 11ஆம் தேதிக்கு ஒத்திவைத்து உத்தரவிட்டார்.
அதனைத் தொடர்ந்து, 'லியோ' திரைப்படத்தின் டிரெய்லர் வெளியீடு நிகழ்ச்சியின் போது, ரோகிணி திரையரங்கின் இருக்கைகள் சேதப்படுத்தப்பட்ட விவகாரம், இசையமைப்பாளர் ஏ.ஆர்.ரகுமானின் இசை நிகழ்ச்சியில் ஏற்பட்ட குளறுபடி ஆகியவற்றை காவல் துறையினர் சரியான முறையின் கையாளவில்லை என நீதிபதி அதிருப்தி தெரிவித்தார்.
அதற்கு விளக்கம் அளித்த அரசு தலைமை நீதிபதி, "அமைதியான முறையில் பேரணி மற்றும் பொதுக்கூட்டம் நடத்த அனுமதி கேட்டால், காவல் துறை அனுமதி வழங்க வேண்டும். தற்போது நடிகர் விஜயின் 'லியோ' படத்தின் இசை வெளியீட்டு விழாவை அரசு உள்நோக்கத்துடன் அனுமதி மறுத்ததாக, சிலர் தவறான தகவல்களை சமூக வளைத்தளங்களில் பகிர்ந்து வருகின்றனர்" என்று கூறினார்.
மேலும் திரையரங்கிற்குள் டிரெய்லர் திரையிட எந்த அனுமதியும் தேவையில்லை என்று கூறிய தலைமை வழக்கறிஞர், ரோகிணி திரையரங்கில் இருக்கைகள் சேதம் அடைத்தது குறித்து எந்த புகாரும் அளிக்கப்படவில்லை என்றும் புகார் அளிக்காமல் நடவடிக்கை எடுத்தால் விஜய் ரசிகர்களுக்கு எதிராக செயல் படுவது போன்ற தோற்றம் ஏற்படும் என்றும் தெரிவித்தார்.
இசையமைப்பாளர் ஏ.ஆர்.ரகுமானின் இசைக் கச்சேரியில் போலியான டிக்கெட்டுகள் மூலம் கூட்டம் புகுந்ததை போல், 'லியோ' படத்தின் இசைவெளியீட்டு விழாவில் கூட்டம் புகுந்திவிடாதவாறு கவனமாக இருக்க காவல் துறை எச்சரித்ததன் பின்னரே, நிகழ்ச்சி ஏற்பாட்டாளர்கள் நிகிழ்ச்சியை ரத்து செய்ததாக தெரிவித்தார்.
மேலும் 'லியோ' படத்தின் இசை வெளியீட்டு விழா ரத்து செய்யப்பட்டதற்கும், காவல் துறைக்கும் எந்த தொடர்பும் இல்லை என்று கூறிய தலைமை வழக்கறிஞர், தற்போது கூட அனுமதி கோரினால் பரிசீலிக்க தயாராக உள்ளதாக தெரிவித்தார்.
இதையும் படிங்க: மோசடி வழக்கில் தயாரிப்பாளர் ரவீந்தர் சந்திரசேகருக்கு நீதிமன்றம் நிபந்தனை ஜாமீன்!
