சென்னை: நெல்லை- சென்னை இடையேயான வந்தே பாரத் விரைவு ரயிலை கன்னியாகுமரி வரை நீட்டிக்க, சம்பந்தப்பட்ட ரயில்வே அதிகாரிகளுக்கு தேவையான அறிவுரைகளை வழங்குமாறு பிரதமர் மோடிக்கு முன்னாள் முதலமைச்சர் ஓ.பன்னீர்செல்வம் கடிதம் எழுதியுள்ளார்.
நெல்லை - சென்னை இடையேயான வந்தே பாரத் ரயில் சேவையை நேற்று(செப்.24) டெல்லியில், காணொளிக் காட்சி மூலம் பிரதமர் நரேந்திர மோடி கொடியசைத்து தொடங்கி வைத்தார். நெல்லையை தொடர்ந்து நாடு முழுவதும் ஒன்பது நகரங்களுக்கு வந்தே பாரத்தின் சேவை புதிதாக அறிமுகப்படுத்தப்பட்டது.
- — O Panneerselvam (@OfficeOfOPS) September 25, 2023 " class="align-text-top noRightClick twitterSection" data="
— O Panneerselvam (@OfficeOfOPS) September 25, 2023
">— O Panneerselvam (@OfficeOfOPS) September 25, 2023
இந்நிலையில், அதிநவீன வசதிகள் மற்றும் குறுகிய நேரப் பயணம் என்பதால் பொது மக்களிடம் பெரும் வரவேற்பைப் பெற்றுள்ளது. முன்னதாக வந்தே பாரத் ரயில், தமிழகத்தில் சென்னை - கோவை மற்றும் சென்னை - மைசூரு இடையே இயக்கப்பட்டு வருகிறது. தற்போது மூன்றாவது ரயிலாக நெல்லை - சென்னை இடையே தனது சேவையை தொடங்கியுள்ளது.
இதையும் படிங்க: உலக நதிகள் தினம் : சண்முக நதியில் 5 டன் குப்பைகளை அகற்றி கல்லூரி மாணவர்கள் விழிப்புணர்வு!
நெல்லை - சென்னை இடையேயான வந்தே பாரத் ரயில், வாரத்தில் செவ்வாய் கிழமை தவிர்த்து, மீதமுள்ள ஆறு நாட்களிலும் காலை 6 மணிக்கு நெல்லையில் இருந்து புறப்பட்டு பிற்பகல் 1.50 மணிக்கு சென்னை சென்றடைகிறது. மீண்டும் சென்னையில் இருந்து பிற்பகல் 2.50 மணிக்கு புறப்பட்டு நெல்லைக்கு இரவு 10.40 மணிக்கு வந்தடையும் வகையில் தயார் செய்யப்பட்டுள்ளது.
இந்நிலையில், நெல்லை - சென்னை இடையேயான வந்தே பாரத் ரயில் சேவையை குறித்து முன்னாள் முதலமைச்சர் ஓ.பன்னீர்செல்வம் பிரதமர் மோடிக்கு எழுதிய கடிதத்தில் கூறியிருப்பதாவது, "நெல்லை-சென்னை, சென்னை-விஜயவாடா இடையே இரண்டு புதிய ரெயில்கள் உட்பட நாடு முழுவதும் 9 வந்தே பாரத் ரெயில் சேவைகளை தொடங்கி வைத்ததற்காக பிரதமர் மோடிக்கு எனது மனமார்ந்த நன்றியை தெரிவித்துக் கொள்கிறேன்.
சென்னை எழும்பூர் - நெல்லை இடையே வந்தே பாரத் எக்ஸ்பிரஸ் ரெயில் இயக்கப்படுவதால், பயண நேரம் தற்போது 8 மணி நேரத்திற்கும் குறைவாக உள்ளதால், தென் தமிழக மக்களுக்கு பெரும் நிம்மதி கிடைத்துள்ளது. இருப்பினும், இந்த ரெயிலை கன்னியாகுமரி வரை நீட்டிக்க வேண்டும் என்று தென் தமிழக மக்கள் விரும்புகின்றனர்.
எனவே, நெல்லை - சென்னை இடையேயான வந்தே பாரத் விரைவு ரயிலை கன்னியாகுமரி வரை நீட்டிக்க, சம்பந்தப்பட்ட ரெயில்வே அதிகாரிகளுக்கு தேவையான அறிவுரைகளை வழங்குமாறு கேட்டுக்கொள்கிறேன்” இவ்வாறு அதில் குறிப்பிட்டுள்ளது.
இதையும் படிங்க: அருணாச்சல வீரர்களின் விசா விவகாரம்; இந்தியாவிற்கு அழைப்பு விடுத்த சீனா!
