சென்னை: அண்ணா பல்கலைக்கழகத்தில் பி.இ, பி.டெக் படிக்கும் மாணவர்கள் விரும்பினால் கூடுதலாகப் பட்டம் பெறவும் பாடத்திட்டதில் மாற்றம் செய்யப்பட்டுள்ளது. இதனால் இளங்கலை பட்டத்தை படிக்கும்போது 5ஆவது செமஸ்டர் முதல் பதிவு செய்து, மேலும் ஒரு பட்டத்தினையும் படித்து, முடித்து விட்டு, பி.இ, பிடெக் ஹானர்ஸ் அல்லது இரண்டு பட்டங்களைப் பெற முடியும்.
அண்ணா பல்கலைக்கழகத்தில் படிக்கும் மாணவர்களுக்கு வேலை வாய்ப்பினை உருவாக்கும் வகையில் புதியப்பாடத்திட்டம் மாற்றி அமைக்கப்பட்டுள்ளது. இந்தப் பாடத்திட்டம் 2021ஆம் கல்வியாண்டில் சேர்ந்த மாணவர்கள் முதல் அறிமுகம் செய்யப்பட்டுள்ளது.
தொழில்துறையினரின் கருத்துகளையும் கேட்டறிந்து தொழிற்சாலைக்குத் தேவையான வகையில் பாடத்திட்டத்தில் மாற்றங்கள் செய்யப்பட்டுள்ளன. அண்ணா பல்கலைக்கழகத்தின் கல்விக்குழு கூட்டத்தில் பாடத்திட்டங்களுக்கு ஒப்புதல் வழங்கப்பட்டுள்ளது.
புதியப் பாடத்திட்டத்தில் 5ஆவது செமஸ்டர் முதல் பதிவு செய்து மாணவர்கள் அனுமதிக்கப்பட்ட பாடத்திட்டத்தில் சேர்ந்து படித்து 18 கிரெடிட் கூடுதலாகப் பெற்றால் மேலும் ஒரு பட்டம் வழங்கப்படுகிறது. ஃபின்டெக் மற்றும் பிளாக்செயின், பொது நிர்வாகம், தொழில்முனைவோர், வணிக தரவு ஆய்வாளர், சுற்றுச்சூழல் நிலைத்தன்மை ஆகிய ஐந்து பாடங்களைப்படித்து தேர்ச்சி பெற்றால் பி.இ, பிடெக் ஹானர்ஸ் அல்லது மைனர் டிகிரி வழங்கப்படும்.
இதன்படி 5ஆவது செமஸ்டர் முதல் 8ஆவது செமஸ்டர் வரை ஐந்து பிரிவுகளாகப் பிரிக்கப்பட்டுள்ள பாடத்தலைப்புகளில் ஏதாவது ஒரு தலைப்பினை படித்து 18 கிரெடிட் பெற வேண்டும் எனவும் அறிவித்துள்ளது.
இதையும் படிங்க:தமிழ்நாட்டில் 11ஆம் வகுப்பு துணைத்தேர்வு முடிவுகள் நாளை வெளியீடு
