சென்னை: அபிராமிபுரம் படவட்டான் தெருவில் வசித்து வருபவர் பொன்ராஜ் (52). இவர் காய்கறி வியாபாரம் செய்து வருகிறார். இவரின் உறவினரான தேனாம்பேட்டை பகுதியைச் சேர்ந்த அற்புதராஜ் (32) உணவகத்தில் வேலை செய்து வருகிறார். இவர்களுக்குச் சொந்த ஊர் தூத்துக்குடி, அங்கு கடந்த பத்து ஆண்டுகளுக்கு மேலாக இரு குடும்பத்தாருக்கும் குடும்ப பிரச்சினை இருந்து வந்துள்ளது.
இந்நிலையில், அற்புதராஜ் குடும்பத்துடன் தூத்துக்குடியில் உள்ள கோயிலுக்குச் சென்று விட்டு பின்னர் அவர் மடும் நேற்று (நவ.12) நள்ளிரவு சென்னை வந்து அற்புதராஜ் வீட்டிற்குச் சென்று வீட்டில் தனியாக இருந்த அற்புதராஜை கத்தியால் வெட்டிக் கொலை செய்துவிட்டு அவர்களின் உறவினர் மாடாசாமிக்கு தொலைபேசி மூலம் தொடர்பு கொண்டு பொன்ராஜை கொலை செய்து விட்டதாகக் கூறியுள்ளார்.
இதனால் அதிர்ச்சியடைந்த மாடசாமி இது குறித்து அபிராமிபுரம் காவல் நிலையத்திற்கு தகவல் தெரிவித்தார். இந்தத் தகவலின் அடிப்படையில் சம்பவ இடத்திற்குச் சென்ற காவல் துறையினர் உடலைக் கைப்பற்றி உடற்கூராய்விற்காக ராயப்படை அரசு மருத்துவமனைக்கு அனுப்பி வைத்தனர். இது குறித்து வழக்குப்பதிவு செய்து விசாரணை மேற்கொண்டு வருகின்றனர். முதற்கட்ட விசாரணையில் தூத்துக்குடி மாவட்டத்தில் உள்ள சொத்து பிரச்சினை காரணமாக கொலை செய்துள்ளது தெரியவந்துள்ளது. இதையடுத்து, காவல் துறையினர் அற்புதராஜை தீவிரமாகத் தேடி வருகின்றனர்.
இதையும் படிங்க: சென்னையில் போதைப்பொருள் விற்ற தான்சானியா பெண்!
