புரோ கபடி லீக் தொடரின் ஏழாவது சீசனுக்கான போட்டிகள் விறுவிறுப்பாக நடைபெற்று வருகின்றன. இதில், தபாங் டெல்லி - பாட்னா பைரேட்ஸ் அணிகள் மோதின. முதல் பாதியில் இரு அணிகளும் போட்டிபோட்டுக்கொண்டு புள்ளிகளை பெற்றனர். இதனால், முதல் பாதி ஆட்டம் 13-13 என்ற கணக்கில் சமனில் முடிந்தது. இப்போட்டியில் அதிகபட்சமாக தபாங் டெல்லி வீரர்களான விஜய் 13 புள்ளிகளும், நவீன் குமார் 11 புள்ளுகளும் பெற்றனர்.
இதைத்தொடர்ந்து, நடைபெற்ற இரண்டாவது பாதியில் தபாங் டெல்லி அணி, ரைய்டிங், டிஃபெண்டிங் இரண்டிலும் அசத்தியது. இறுதியில், தபாங் டெல்லி 43- 39 என்ற கணக்கில் பாட்னா பைரேட்ஸ் அணியை வீழ்த்தியது. இந்த வெற்றியின் மூலம் தபாங் டெல்லி அணி விளையாடிய 18 போட்டிகளில் 14 வெற்றி, இரண்டு தோல்வி, இரண்டு டிரா என 77 புள்ளிகளுடன் மீண்டும் முதலிடத்தை பிடித்துள்ளது.
