23ஆவது ஆசிய தடகள் சாம்பியன்ஷிப் தொடர் தோகாவில் நடைபெற்றது. இதில் 4×400 தொடர் ஓட்டப்பந்தயத்தின் பெண்கள் பிரிவில் ப்ரச்சி, பூவம்மா, சரிதா, விஸ்மயா ஆகியோர் கலந்துகொண்டனர்.
இதில் பந்தய தூரத்தை 3 நிமிடங்கள் 32.22 வினாடிகளில் கடந்து இந்திய அணி வெள்ளிப் பதக்கத்தை வென்றனர். இதில் 3 நிமிடங்கள் 32.10 வினாடிகள் வந்த பக்ரைன் அணி தங்கப்பதக்கத்தையும், 3 நிமிடங்கள் 34 வினாடிகளில் வந்த ஜப்பான் அணி வெண்கலப் பதக்கத்தையும் வென்றன.
மேலும், கலப்பு 4×400 தொடர் ஓட்டப்பந்தயத்தில் இந்தியா சார்பாக தமிழ்நாடு வீரர் ஆரோக்ய ராஜ் உட்பட முகமது அனஸ், பூவம்மா, விஸ்வமய்யா ஆகியோர் கலந்துகொண்டனர். இந்த அணி பந்தய தூரத்தை 3 நிமிடங்கள் 16 வினாடிகளில் கடந்து வெள்ளிப் பதக்கத்தை வென்றது.
நான்கு நாட்கள் நடைபெற்ற ஆசிய தடகளப் போட்டியில் இந்தியா 3 தங்கம், 7 வெள்ளி, 7 வெண்கலம் என மொத்தம் 17 பதக்கங்களை கைப்பற்றி பதக்கப் பட்டியலில் நான்காவது இடத்தைப் பிடித்தது. ஆசிய தடகள தொடரின் முதல் இடத்தில் 11 தங்கம், 7 வெள்ளி, 4 வெண்கலம் என மொத்தம் 22 பதக்கங்களுடன் பஹ்ரைன் பிடித்தது.
முதல் ஐந்து இடங்கள் பிடித்த நாடுகளின் பட்டியல்:
| நாடுகள் | தங்கம் | வெள்ளி | வெண்கலம் | மொத்தம் |
|---|---|---|---|---|
| பஹ்ரைன் | 11 | 7 | 4 | 22 |
| சீனா | 9 | 13 | 7 | 29 |
| ஜப்பான் | 5 | 4 | 9 | 18 |
| இந்தியா | 3 | 7 | 7 | 17 |
| உஸ்பெகிஸ்தான் | 3 | 0 | 2 | 5 |
