2019-20ஆம் ஆண்டுக்கான ரஞ்சி டிராபி தொடர் நடைபெற்றுவருகிறது. இதில் மொகாலியில் நடைபெற்ற இன்றையப் போட்டியில் டெல்லி அணியை எதிர்த்து பஞ்சாப் அணி விளையாடியது. அதில் டாஸ் வென்ற பஞ்சாப் அணி கேப்டன் மன்தீப் சிங் பேட்டிங்கைத் தேர்வு செய்தார்.
இதையடுத்து தொடக்க வீரர்களாக சன்வீர் சிங் - சுப்மன் கில் இணை களமிறங்கியது. சன்வீர் சிங் ரன் ஏதும் எடுக்காமல் வெளியேற, பின்னர் வந்த குர்கீரத் சிங்குடன் இணைந்து கில் நிதான ஆட்டத்தை வெளிப்படுத்தினார்.
13ஆவது ஓவரை வீசிய சிமர்ஜித் சிங் பந்தில் கில் 23 ரன்களில் கீப்பரிடம் கேட்ச் கொடுக்க, நடுவர் அவுட் என அறிவித்தார். ஆனால் கில் எதிர்ப்பு தெரிவித்து நடுவருடன் வாக்குவாதத்தில் ஈடுபட்டதுடன், ஒருமையில் பேசினார்.
