கரோனா வைரஸ் முன்னெச்சரிக்கையாக நாடு முழுவதும் மே மூன்றாம் தேதிவரை ஊரடங்கு உத்தரவு அமல்படுத்தப்பட்டுள்ளது. இதனால் இந்தாண்டு ஐபிஎல் தொடரும் காலவரையறையின்றி ஒத்திவைக்கப்பட்டுள்ளது.
இந்நிலையில் கடந்த உலகக்கோப்பைத் தொடரிலிருந்து ஓய்வில் இருந்துவரும் மகேந்திர சிங் தோனி, வருகிற டி20 உலகக்கோப்பைத் தொடருக்கான இந்திய அணியில் இடம்பிடிப்பாரா? என்பது ரசிகர்களின் மில்லியன் டாலர் கேள்வி.
தேர்வுக் குழுவினரும் தோனி, ஐபிஎல் தொடரில் விளையாடுவதைப் பொறுத்தே அவர் அணியில் இடம்பிடிப்பது குறித்து ஆலோசிக்கப்படும் என்று தெரிவித்துள்ளனர்.
இதற்கிடையில் ஊரடங்கினால் தனது குடும்பத்தினருடன் நேரத்தை செலவிட்டுவரும் தோனி குறித்து, அவரது மனைவி சாக்ஷி தனது சமூக வலைதளங்களில் அவ்வப்போது பதிவுகளை வெளியிடுவது வழக்கம்.
அந்தவகையில் தற்போது தோனி தனது மகள் ஸிவாவுடன் இருசக்கர வாகனத்தில் விளையாடும் காட்சிகளை தனது சமூக வலைதளத்தில் வெளியிட்டுள்ளார்.
-
What if Vaigai Puyal #Vadivelu was desperately wanting to see #Thala @msdhoni, just like the rest of us?! 😂😂😂 #SoundOn #WhistlePodu VC: @SaakshiSRawat pic.twitter.com/Ou1GG2KFNb
— Chennai Super Kings (@ChennaiIPL) April 26, 2020 " class="align-text-top noRightClick twitterSection" data="
">What if Vaigai Puyal #Vadivelu was desperately wanting to see #Thala @msdhoni, just like the rest of us?! 😂😂😂 #SoundOn #WhistlePodu VC: @SaakshiSRawat pic.twitter.com/Ou1GG2KFNb
— Chennai Super Kings (@ChennaiIPL) April 26, 2020What if Vaigai Puyal #Vadivelu was desperately wanting to see #Thala @msdhoni, just like the rest of us?! 😂😂😂 #SoundOn #WhistlePodu VC: @SaakshiSRawat pic.twitter.com/Ou1GG2KFNb
— Chennai Super Kings (@ChennaiIPL) April 26, 2020
அக்காணொலியை தோனி கேப்டனாக இருக்கும் சென்னை சூப்பர் கிங்ஸ் அணி (சிஎஸ்கே), நகைச்சுவை நடிகர் வடிவேலுவின் வசனத்துடன் இணைத்து, தங்களது அதிகாரப்பூர்வ ட்விட்டர் பக்கத்தில் வெளியிட்டுள்ளது. சிஎஸ்கே அணியின் ட்விட்டர் பதிவானது தோனியின் ரசிகர்களால் இணையத்தில் வேகமாகப் பரவிவருகிறது.
இதையும் படிங்க: காணாமல் போன உலகக்கோப்பைப் பதக்கம்: கண்டுபிடித்த ஆர்ச்சர்!
