'டாக்டர்' படத்தை இயக்கிய நெல்சன், அடுத்தாக நடிகர் விஜய்யை வைத்து புதிய படத்தை இயக்குகிறார். சன் பிக்சர்ஸ் தயாரிக்கும் இந்தப் படத்திற்கு தற்காலிகமாக 'தளபதி 65' எனப் பெயர் வைக்கப்பட்டிருந்தது.
அனிருத் இசையமைக்கும் இந்தப் படத்தில் விஜய்க்கு ஜோடியாக பூஜா ஹெக்டே நடிக்கிறார். மனோஜ் பரமஹம்சா ஒளிப்பதிவு செய்யும் இந்தப் படத்திற்கு அனிருத் இசையமைக்கிறார். சமீபத்தில் இந்தப் படத்தின் பூஜை நடைபெற்றது.
அதில் விஜய், இயக்குநர் நெல்சன் திலீப்குமார் உள்ளிட்ட படக்குழுவினர் கலந்துகொண்டனர். அப்போது வெளியான புகைப்படம் சமூக வலைதளங்களில் வைரலானது. 'தளபதி 65' படத்தின் முதற்கட்ட படப்பிடிப்பு ஜார்ஜியாவில் முடிவடைந்த நிலையில், இரண்டாம் கட்ட படப்பிடிப்பு விரைவில் தொடங்கப்படவுள்ளது.
-
#Beast pic.twitter.com/VgMlmH1Gno
— Vijay (@actorvijay) June 21, 2021 " class="align-text-top noRightClick twitterSection" data="
">#Beast pic.twitter.com/VgMlmH1Gno
— Vijay (@actorvijay) June 21, 2021#Beast pic.twitter.com/VgMlmH1Gno
— Vijay (@actorvijay) June 21, 2021
நாளை (ஜூன் 22) தனது 47ஆவது பிறந்தநாளை விஜய் கொண்டாடவுள்ள நிலையில், இன்று (ஜூன் 21) சன்பிக்சர்ஸ் நிறுவனம் 'தளபதி 65' படத்தின் ஃபர்ஸ்ட் லுக் போஸ்டரை வெளியிட்டுள்ளது. 'தளபதி 65' படத்துக்கு 'பீஸ்ட்' எனப் பெயர்வைக்கப்பட்டுள்ளது.
பீஸ்ட் படத்தின் ஃபர்ஸ்ட் லுக் போஸ்டரை விஜய் தனது ட்வீட்டர் பக்கத்தில், #Beast என்ற ஒற்றை வார்த்தையில் பதிவிட்டுள்ளார். இந்தப் போஸ்டர் வெளியான சில நிமிடங்களிலேயே சமூகவலைதளத்தில் ரசிகர்கள் அதனை அதிகம் பகிர்ந்தும் '#Thalapathy65FirstLook','#Beast' என்ற ஹேஷ்டேக்கை ட்விட்டரில் ட்ரெண்ட் செய்து தங்களது மகிழ்ச்சியை வெளிப்படுத்தி வருகின்றனர்.
