கமல்ஹாசனின் மகள் ஸ்ருதிஹாசன் தமிழ் சினிமாவிலும், தெலுங்கு சினிமாவிலும் நடித்துவந்தார். இவர் வெறும் நடிப்பில் மட்டுமல்லாது இசை, பாடல் என அனைத்திலும் தனது கவனத்தை செலுத்திவருகிறார். தற்போது இசை நிகழ்ச்சி போன்றவற்றிலும் தனது கவனத்தை செலுத்திவருகிறார்.
இந்நிலையில் ஸ்ருதி ஹாசன் தனது சமூக வலைதளப்பக்கமான இன்ஸ்டாகிராமில் ஒரு வீடியோ ஒன்றை பதிவிட்டுள்ளார். அதில் பிரபலமான கச்சேரி அரங்கத்தின் வெளியே உள்ள பலகையில் தனது பெயர் இடம் பெற்றிருப்பதை பார்த்து மகிழ்ச்சியுடன் நடனம் ஆடுகிறார்.
சமீபமாக இசைக்கு முக்கியத்துவம் கொடுத்துவரும் ஸ்ருதி லண்டனில் உள்ள இசைக்குழுவினருடன் இணைந்து இசை நிகழ்ச்சி ஒன்றையும் நடத்த உள்ளார்.
அதே சமயம் யூஎஸ்ஏ நெட்வொர்க்கின் ட்ரெஸ்டோன் என்ற தொடரில் டெல்லியைச் சேர்ந்த நிரா படேல் கதாபாத்திரத்தில் நடிக்க ஒப்பந்தம் செய்யப்பட்டுள்ளார். அதோடு விஜய் சேதுபதியுடன் லாபம் படத்திலும நடித்து வருகிறார் என்பது குறிப்பிடத்தக்கது.
