நடிகர் ரஜினிகாந்த் ஏ.ஆர்.முருகதாஸுடன் ‘தர்பார்’ படத்தில் இணைந்துள்ளார். இந்தப் படத்தின் படப்பிடிப்பு நாளை மும்பையில் தொடங்குகிறது. இதற்காக ரஜினி மும்பை செல்ல இருக்கிறார்.
இந்நிலையில் இன்று ரஜினிகாந்தை போயஸ் தோட்ட இல்லத்தில் சந்தித்த கே.எஸ்.ரவிக்குமார் ஒரு மணி நேரம் ஆலோசனை நடத்தினார். அப்போது அவர் உருவாக்கி வரும் கதையை ரஜினியிடம் கூறியதாகவும், ‘தர்பார்’ படம் முடிந்த பிறகு ஒப்பந்தம் செய்யலாம் என்று ரஜினிகாந்த் கூறியதாகவும் தகவல் வெளியாகியுள்ளது. மேலும் கே.எஸ்.ரவிக்குமாரை தொடர்ந்து தயாரிப்பாளர் கலைப்புலி தாணுவும் ரஜினிகாந்தை சந்தித்துப் பேசினார்.
‘தர்பார்’ படத்தை தொடர்ந்து ரஜினிகாந்தின் அடுத்த படத்தை இயங்குநர் கே.எஸ் ரவிக்குமார் இயக்குவார் என்று தகவல் வெளியாகியுள்ளது. இது ரஜினியின் 168வது படமாக இருக்கும்.
ஏற்கெனவே நடிகர் ரஜினிகாந்த் - கே.எஸ்.ரவிக்குமார் கூட்டணியில் வெளியான முத்து, படையப்பா உள்ளிட்ட படங்கள் ரசிகர்களின் அமோக வரவேற்பை பெற்று மெகா ஹிட் படங்களாக அமைந்தன என்பது குறிப்பிடத்தக்கது.
