மலையாளத்தில் கடந்த 2015 ஆம் ஆண்டு மார்ட்டின் பிரகத் இயக்கத்தில் துல்கர் சல்மான், பார்வதி நடித்து ஹிட்டடித்த திரைப்படம் சார்லி. இத்திரைப்படம் தமிழில் ரீமேக் செய்யப்பட்டு, அறிமுக இயக்குநர் திலீப் குமார் இயக்கத்தில், விக்ரம்-வேதா ஜோடி மாதவன், ஸ்ரத்தா ஶ்ரீநாத் ஆகியோர் நடிக்கின்றனர்.
ரசிகர்கள் வரவேற்பு:
மலையாளம் மொழியில் இந்த படம் ரசிகர்கள் மத்தியில் பெரிதும் பேசப்பட்டு, தமிழில் ரீமேக் செய்யப் போவதாக அறிவித்த உடன் நல்ல வரவேற்பும் கிடைத்தது. காதலை மையமாக வைத்து உருவாகும் இப்படத்திற்கு ஜிப்ரான் இசையமைத்துள்ளார்.
தாமரையின் வரிகளில் பாடல்கள் அனைத்தும் வெளியாகி ரசிகர்களிடம் வரவேற்பைப் பெற்றது.
அமேசான் ப்ரைமில் டிரைலர் ரிலீஸ்:
இப்படத்தை ஓடிடியில் ரிலிஸ் செய்யும் முடிவைத் தயாரிப்பாளர்கள் எடுத்தனர். அதன்படி படத்தை அமேசான் ப்ரைம் வாங்கியுள்ள நிலையில் இப்போது படத்தின் ட்ரைலர் வெளியாகியுள்ளது.
டிரைலருக்கு ரசிகர்கள் மத்தியில் நல்ல வரவேற்பு கிடைத்துள்ளது. மாறா திரைப்படம் பொங்கல் பண்டிகையை முன்னிட்டு, அடுத்த ஆண்டு ஜனவரி 8ஆம் தேதி ரிலீஸ் ஆகவுள்ளது குறிப்பிடத்தக்கது.
