நடிகை கீர்த்தி சுரேஷ் நடிப்பில், இயக்குநர் நாகேஷ் குக்குனூர் இயக்கிவரும் திரைப்படம், 'குட்லக் சகி'. தில் ராஜூ தயாரிக்கும் இதில் ஆதி பினிஷெட்டி மற்றும் ஜகபதி பாபு ஆகியோர் முக்கியக் கதாபாத்திரங்களில் நடிக்கின்றனர்.
இத்திரைப்படத்தின் டீஸர் இன்று (ஆக.15) வெளியாகும் என்று அறிவிக்கப்பட்டிருந்தது. அதன்படி, 'குட்லக் சகி' பட டீஸரை நடிகை கீர்த்தி சுரேஷ் தனது ட்விட்டர் பக்கத்தில் வெளியிட்டுள்ளார்.
அதில், வட இந்தியப் பெண்ணாக நடிக்கும் கீர்த்தி சுரேஷ் வழக்கம்போல் கச்சிதமாக நடித்துள்ளார். மேலும் அதிர்ஷ்டம் என்பது இவ்வுலகில் இல்லை என்பதை அடிப்படையாக வைத்து இப்படம் உருவாகி உள்ளது என்பது டீஸர் மூலம் தெரிகிறது.
இத்திரைப்படத்தின் 75 விழுக்காடு படப்பிடிப்பு முடிந்த நிலையில் கரோனா ஊரடங்கு காரணமாக மீதமுள்ள படப்பிடிப்பு தற்காலிகமாக நிறுத்தி வைக்கப்பட்டுள்ளன என்பது குறிப்பிடத்தக்கது.
