சென்னை: நடிகர் துருவ் விக்ரமின் பிறந்தநாள் ஸ்பெஷலாக அவரது ஆதித்யா வர்மா படத்திலிருந்து சிங்கிள் டிராக் விடியோ பாடல் ஒன்று வெளியிடப்பட்டுள்ளது.
விக்ரமின் மகன் துருவ் விக்ரம் கதாநாயகனாக அறிமுகமாகும் படம் ஆதித்யா வர்மா. தெலுங்கில் சூப்பர் ஹிட்டான அர்ஜுன் ரெட்டி படத்தின் ரீமேக்காக இந்தப் படம் உருவாகியுள்ளது.
இதையடுத்து படத்தின் டீஸர், சிங்கிள் டிராக் பாடல் ஏற்கனவே வெளியிடப்பட்டு ரசிகர்களிடையே நல்ல வரவேற்பை பெற்றுள்ளது.
இந்த நிலையில், துருவ் விக்ரமின் பிறந்தநாளான இன்று ரசிகர்களுக்கு ட்ரீட் தரும் விதமாக ஆதித்யா வர்மா படத்திலிருந்து ஏன் என்னை பிரிந்தாய் என்ற விடியோ பாடலை படக்குழுவினர் வெளியிட்டுள்ளனர்.
காதலின் வலியை வெளிப்படுத்தும் விதமாக அமைந்திருந்த பாடலில் துருவ் விக்ரமின் நடிப்பை ரசிகர்கள் வெகுவாகப் பாராட்டி வருகின்றனர்.
பெரிதும் எதிர்பார்க்கப்படும் ஆதித்யா வர்மா திரைப்படம் வரும் நவம்பர் மாதம் திரைக்கு வரவுள்ளது. முன்னதாக, இந்தப் படத்தை வர்மா என்ற பெயரில் இயக்குநர் பாலா இயக்கினார். ரிலீசுக்கு தயாரான நிலையில், படத்தின் காட்சியமைப்பு திருப்தி அளிக்கும் விதமாக இல்லை என கூறி படத்தை வேறு இயக்குநரை வைத்து மறுபடியும் படமாக்கினர் தயாரிப்பாளர்கள்.
இதைத்தொடர்ந்து தற்போது ஆதித்யா வர்மா-வாக மாறியிருக்கும் வர்மா திரைப்படம் ரிலீசுக்கு தயாராக உள்ளது.
