தமிழ்நாட்டில் பிரபல தொலைக்காட்சியான விஜய்யில், பல்வேறு பொழுதுப்போக்கு நிகழ்ச்சிகள் ஒளிபரப்பப்பட்டுவருகின்றன. அதில் ஒன்றான 'சூப்பர் சிங்கர் 7' என்ற ரியாலிட்டி ஷோவின் பாடகராகப் பங்கேற்றவர் சிவாங்கி.
அதைத்தொடர்ந்து, விஜய் தொலைக்காட்சியில் ஒளிபரப்பாகி வந்த 'குக் வித் கோமாளி' நிகழ்ச்சி மூலமாக, பட்டித்தொட்டி எல்லாம் பிரபலமானார். இந்த நிகழ்ச்சியின் மூலம் தனக்கென ரசிகர்களைக் கொண்டு, அனைவரின் மனம் கவர்ந்தவரான சிவாங்கிக்கு, தனது 21ஆவது பிறந்தநாளை இன்று(மே.25) கொண்டாடுகிறார். இவரது பிறந்தநாளை ரசிகர்கள் கொண்டாடிவருகின்றனர்.
சிவாங்கி, கேளராவைச் சேர்ந்தவர். இசைக்குடும்பத்தைச் சேர்ந்த சிவாங்கியின் தந்தை கிருஷ்ணகுமார், இசைத்துறையில் முனைவர் பட்டம் பெற்றவர். இவர் பத்மஸ்ரீ விருது பெற்றுள்ளார். சிவாங்கியின் தாயார் ஸ்ரீமதி பின்னி கிருஷ்ணகுமார், ஒரு கர்நாடக இசை ஆசிரியர்.
சூப்பர் சிங்கர் நிகழ்ச்சியின் நீதிபதியாக வரும் ஸ்வேதா மோகனின் ஆசிரியர் ஸ்ரீமதி பின்ன கிருஷ்ணகுமார். சிவாங்கிக்கு ஒரு தம்பி உள்ளார். 'குக் வித் கோமாளி' நிகழ்ச்சிக்குப் பிறகு அடுத்தடுத்தப் படங்களில் கமிட் ஆகி நடித்து வரும் சிவாங்கி, அண்மையில் நடந்து முடிந்த குக் வித் கோமாளி நிகழ்ச்சியின் அடுத்த சீசன் தொடங்கப்படுமா என்ற எதிர்பார்ப்பில் மக்களும், அவரது ரசிகர்களும் உள்ளனர்.
இந்த ரியாலிட்டி நிகழ்ச்சியின் வெற்றிக்கு மிகப்பெரிய காரணம், நிகழ்ச்சியில் பங்கேற்றவர்கள் கோமாளிகள் போன்று செய்த சிறு சிறு சேட்டைகள் தான். கோமாளிகளின் காமெடியும், பேச்சும் மக்களின் மனதைக் கவர்ந்தது. அதிலும், சிவாங்கியின் இயல்பான நடிப்பிற்கும், காமெடிக்கும், அவர் செய்த சேட்டைக்குமென ஏராளமான ரசிகர்கள் உள்ளனர்.
சூப்பர் சிங்கர் நிகழ்ச்சியின் மூலம் பிரபலமான இவருக்கு, இந்த நிகழ்ச்சி மூலம் தற்போது மிகப்பெரிய ஆர்மியே இருக்கிறது. நடிகர் சிவகார்த்திகேயனுடன் ஒரு படம், பாலிவுட் ரீமேக் படம் ஒன்றிலும் சிவாங்கி முக்கியக் கதாபாத்திரத்தில் நடிப்பதற்கு கமிட் ஆகியுள்ளதாக தகவல் வெளியாகியுள்ளது.
ஒரு நிகழ்ச்சியின் மூலம் ஒட்டுமொத்த ரசிகர்களை தன்னக்கத்தே கொண்டிருக்கும் சிவாங்கிக்கு, சமூக வலைதளங்களில் பிரபலங்களும், அவரது ரசிகர்களும் பிறந்தநாள் வாழ்த்துகளைத் தெரிவித்து வருகின்றனர்.
