#METOO புகார் கூறி தமிழ் திரை உலகில் மிகப்பெரிய சர்ச்சையை ஏற்படுத்தியவர் திரைப்பட பின்னணி பாடகி சின்மயி. இதன் பிறகு இவர் சமூக வலைதளங்களில் மிகவும் ஆக்டிவ்வாக செயல்பட்டு வருகிறார். பாலியல் தொல்லைகளுக்கு ஆளான பெண்கள் கூறும் புகார்களையும் அவ்வப்போது ட்விட்டரில் வெளியிட்டு வருகிறார். இவரது சமூக வலைதளப் பக்கங்களை இதுவரை 1.02 மில்லியன் பேர் பின் தொடர்கின்றனர்.
இந்நிலையில் பாடகி சின்மயிடம் நிர்வாண புகைப்படங்களை கேட்டு ஒருவர் மெசேஜ் அனுப்பியுள்ளார். அதை ஸ்க்ரீன் ஷாட் எடுத்து அப்படியே வெளியிட்டுள்ளார் பாடகி சின்மயி.
மேலும் அந்த நபரின் கேள்விக்கு பதிலளித்துள்ள அவர், எனக்கு பிடித்த நிர்வாண புகைப்படங்கள் என்று கூறி லிப்ஸ்டிக்கை பதிவிட்டுள்ளார். சின்மயின் இந்த பதிலை வரவேற்று பலர் கருத்து பதிவிட்டுள்ளனர்.
சின்மயியிடம் ஆபாச மெசேஜ் அனுப்பிய நபர் தன்னை ட்விட்டரில் சின்மயி அம்பலப்படுத்தியதால் சமூகவலைதளத்தை விட்டே வெளியேறியுள்ளதாகவும் சிலர் கமெண்ட் செய்துள்ளனர்.
