ஷேவிங் கிரீமை வைத்து, இந்த பிரியங்கா கேங் செய்யும் வேலைகள் இருக்கிறதே. எப்பா என்ன விட்டுவிடுங்கள் என அந்த கிரீம் வாய் இருந்தால் ஓடிவிடும். புதிதாக இதில் மதுமிதா இணைந்திருக்கிறார். இரவு அனைவரும் தூங்கி கொண்டிருந்தபோது இவர்கள் அனைவரும், படுக்கையை அறையில் ஷேவிங் கிரீமை வைத்து விளையாடிக் கொண்டிருந்தனர்.
நாம் மிகவும் பசியாக இருக்கும் நிலையில், வீட்டில் சாப்பிட என்ன இருக்கிறது என்று கேட்கும்போது உப்புமா என்று சொன்னால், பலருக்கும் இருந்த பசி கூட ஓடிவிடும். அதுபோன்ற சம்பவம் தான் பிக்பாஸ் வீட்டில் நடந்திருக்கிறது. உப்புமா என்பதால் பிரியங்கா சாப்பிடவில்லை. ஒரு கட்டத்தில் பசி தாங்க முடியாத அவர், தனக்குச் சாப்பிட ஏதாவது கொடுங்கள் என அழுக ஆரம்பித்தார்.
கமல் ஹாசன் பிறந்தநாள் நவம்பர் 7 ஆம் தேதி கொண்டாடப்படுகிறது. அதற்கு அவரிடம் சாப்பாடு கேட்போம் என்றார் இமான் அண்ணாச்சி. உடனே அனைவருக்கும் தங்களுக்கு பிடித்தமான உணவை ஆர்டர் செய்தனர்.
விளையாடு இல்ல தக்காளி வெளியே ஓடு
அதிகமாகத் தூங்குபவர், சுவாரஸ்யமாக இல்லாதவர், மைக்கை சரியாக மாட்டாதவர், ஆங்கிலத்தில் பேசுபவர் ஆகிய நான்கு பிரிவுகளின் கீழ் இரண்டு பேரின் பெயர்களை நாமினேட் செய்யுமாறு பிக்பாஸ் கூறினார். நான்கு பிரிவுகளிலும் பிரியங்கா, நிரூப், ஐக்கி, மதுமிதா பெயரை அனைவரும் கூறினர்.
போட்டியாளருக்கு கொடுத்த கேலி பட்டம்
அபிஷேக் - ஹலோ ஹலோ மைக் டெஸ்டிங்
அபினய்- Basically i don't no தமிழ்
ஸ்ருதி, ஐக்கி - வெட்டியாக இருப்பது
நிரூப், பிரியங்கா - இரவினில் ஆட்டம், பகலில் தூக்கம்
ராஜுவின் மிமிக்ரி திறன்
இயக்குநராகக் கோலிவுட்டில் ஜொலிக்க வேண்டும் என்று ஆசைப்பட்ட ராஜு, தனது மிமிக்ரி திறமையால் மற்ற போட்டியாளர்களைக் கவர்ந்தார். எனக்கு ரசம் சாதம் கொண்டு வா, ராஜு என அவர் கட்டளையிட அவர், பிரியங்காவிற்கு உணவு செய்து கொண்டு வந்து கொடுத்தார்.
ஓ மணப் பெண்ணே படத்தின் ட்ரெய்லர் பிக்பாஸ் வீட்டில் ஒளிபரப்பானது. அவர்களிடம் பிரியங்கா, 'எனக்கு ட்ரீட்டா ஏதாவது சாப்பாடு அனுப்புங்க' என வீடியோ கால் மூலம் ஹரீஷ் கல்யாண், பிரியா பாவனி ஷங்கர் தொகுப்பாளினி பிரியங்கா கேட்டறிந்தார்.
பற்றவைத்த ஹரிஷ்
ஆம்லோட் தயார் செய்த நிரூப்பிடம், உங்களுக்கு பிடித்தமானவரிடம் கொடுங்கள் என்றா ஹரிஷ். உடனே நிரூப், "இமான் எங்கே" என்று கேட்டு, அவரிடம் கொடுத்தார். இதனால் பிரியங்காவிற்கும், நிரூப்பிற்கும் இடையே மனக்கசப்பு ஏற்பட்டது.
