இந்தித் தொலைக்காட்சிகளில் ஒளிபரப்பாகும் மிகப்பிபரபலமான நிகழ்ச்சிகளில் ஒன்று 'பிக் பாஸ்'. இந்நிகழ்ச்சி ஹிந்தி, தமிழ், தெலுங்கு, கன்னடம், மலையாளம் ஆகிய மொழிகளில் நடத்தப்படுகிறது. அந்தந்த மொழிகளில் உச்சபட்ச திரைநட்சத்திரங்களைக் கொண்டு இந்நிகழ்ச்சி தொகுத்து வழங்கப்படுகிறது.
தமிழில் இந்நிகழ்ச்சியை நடிகர் கமல் ஹாசன் தொகுத்து வழங்கினார். மலையாளத்தில் நடிகர் மோகன் லால் தொகுத்து வழங்கினார்.
தெலுங்கில் முதல் சீசனை ஜூனியர் என்.டி.ஆர். தொகுத்து வழங்கினார். இரண்டாவது சீசனை நானி தொகுத்து வழங்கினார். இந்நிலையில் மூன்றாவது சீசனை தொகுத்து வழங்க பிரபல நடிகை அனுஷ்கா ஷெட்டியிடம் பேச்சுவார்த்தை நடப்பதாக செய்திகள் வெளியாகியுள்ளன.
தெலுங்கு பிக் பாஸ் சீசன் 3-யை தொகுத்து வழங்க ஏற்கனவே நாகர்ஜூனாவிடம் பேச்சு வாரத்தை நடத்திவருகின்றனர். ஆகவே பிக் பாஸ் 3-யை யார் தொகுத்து வழங்குவார் என்பதை பொறுத்திருந்துதான் பார்க்க வேண்டும்.
தமிழில் பிக் பாஸ் சீசன் 3-யை நயன்தாரா தொகுத்து வழங்கவுள்ளதாக கிசுகிசுக்கப்படுகிறது.
ஒருவேளை அனுஷ்கா உறுதியாகும் பட்சத்தில் இந்தியாவில் முதல்முறையாக பிக் பாஸ் நிகழ்ச்சியை தொகுத்து வழங்கும் பெண் நடிகை எனும் மாபெரும் சாதனையை அனுஷ்கா படைப்பார்.
நடிகை அனுஷ்காவிற்கு தென்னிந்தியாவில் சினிமா ரசிகர்கள் அதிகம் என்பது குறிப்பிடத்தக்கது.
