ஹெச்.வினோத் இயக்கத்தில் நடிகர் அஜித்குமார் நடித்துவரும் திரைப்படம் 'வலிமை'. படத்தின் பெயர் முன்னதாக அறிவிக்கப்பட்டிருந்தாலும், படம் குறித்தான எந்த அப்டேட்டையும் படக்குழு அறிவிக்காமல் இருந்தது. கரோனா தொற்று காரணமாக ஊரடங்கு அமல்படுத்தப்பட்டதால் திரைப்படங்களின் வெளியீடு தள்ளிப்போனது.
தற்போது விஜய் நடிக்கும் மாஸ்டர், சூர்யாவின் சூரரைப் போற்று திரைப்படங்களின் அப்டேட்கள் அவ்வப்போது வந்துக்கொண்டிருந்தன. இதனால் வலிமை படத்தின் அப்டேட் குறித்து ரசிகர்கள் எதிர்பார்ப்போடு இருந்தனர்.
இந்நிலையில் வலிமை திரைப்படத்தின் படப்பிடிப்பு ஹைதராபாத் ரமோஜி பிலிம் சிட்டியில் மீண்டும் தொடங்கி விறுவிறுப்பாக நடைபெற்று வருகிறது.
நேற்று படப்பிடிப்பின்போது நடிகர் அஜித் தனது ரசிகர்களுடன் எடுத்துக்கொண்ட புகைப்படங்கள் சமூகவலைதளத்தில் வைரலாகத் தொடங்கியுள்ளன. இதைத்தொடர்ந்து ரசிகர்கள் #Valimai என்ற ஹேஷ்டேக்கை இந்திய அளவில் ட்ரெண்ட் செய்து வருகின்றனர்.
